സൽമാബാദ്: മതഭൗതിക വിജ്ഞാനീയ കലാലയമായ ജാമിഅ മർകസു സ്സഖാഫത്തി സുന്നിയ്യയുടെ പ്രചാരണ പ്രവർത്തനങ്ങൾക്ക് വേണ്ടി സൽമാബാദ് സെൻട്രൽ കേന്ദ്രീകരിച്ച് പ്രവർത്തിക്കുന്ന മർക്കസ് സെൻട്രൽ കമ്മിറ്റിക്ക് രൂപം നൽകി.
പ്രസിഡണ്ട് – ഉമർ ഹാജി ചേലക്കര, ജനറൽ സെക്രട്ടറി – ഹംസ ഖാലിദ് സഖാഫി പുകയൂർ, ഫിനാൻസ് സെക്രട്ടറി – അബ്ദുള്ള രണ്ടത്താണി, വൈസ് പ്രസിഡന്റുമാർ – ഷുക്കൂർ കോട്ടക്കൽ, റഹീം താനൂർ, ജോയിന്റ് സെക്രട്ടറിമാരായി ഫൈസൽ ചെറുവണ്ണൂർ, ഷമീർ വടകര എന്നിവരെയും തിരഞ്ഞെടുത്തു.
കമ്മിറ്റി രൂപീകരണത്തിനും ചർച്ചകൾക്കും മർക്കസ് പി.ആർ. ഒ ബഹു: മർസൂഖ് സഅദി കാമിൽ സഖാഫി നേതൃത്വം നൽകി. മർക്കസിന്റെ ആനുകാലിക പ്രസക്തിയെക്കുറിച്ചും പ്രവർത്തനങ്ങളെ സംബന്ധിച്ചും അദ്ദേഹം കൗൺസിലിൽ പ്രഭാഷണം നടത്തി. യോഗത്തിൽ ഉമർ ഹാജി അദ്ധ്യക്ഷത വഹിച്ചു. ഹംസ ഖാലിദ് സഖാഫി സ്വാഗതവും അബ്ദുള്ള രണ്ടത്താണി നന്ദിയും പറഞ്ഞു.
