മനാമ: ആഗോള രുചികളുടെ വിരുന്നൊരുക്കി ലുലു ഹൈപ്പർമാർക്കറ്റിന്റെ ഏറെ പ്രതീക്ഷയോടെ കാത്തിരുന്ന ‘വേൾഡ് ഫുഡ് ഫെസ്റ്റിവൽ (WFF) 2026’ ബഹ്റൈനിൽ ആരംഭിച്ചു. ഏപ്രിൽ 22 മുതൽ മെയ് 6 വരെ ബഹ്റൈനിലെ എല്ലാ 11 ലുലു ഹൈപ്പർമാർക്കറ്റുകളിലുമായിട്ടാണ് ഈ ഭക്ഷണ മാമാങ്കം നടക്കുന്നത്.
ലോകമെമ്പാടുമുള്ള വൈവിധ്യമാർന്ന വിഭവങ്ങൾ, പ്രീമിയം ചേരുവകൾ, പുതിയ ഭക്ഷണ അനുഭവങ്ങൾ എന്നിവ ഒരു കുടക്കീഴിൽ എത്തിക്കുകയാണ് ഈ ഫെസ്റ്റിവലിലൂടെ ലുലു. പുതിയ മാംസം, പഴങ്ങൾ, പച്ചക്കറികൾ, സമുദ്രവിഭവങ്ങൾ എന്നിവയ്ക്കും ബസ്മതി അരി, എണ്ണ, മസാലകൾ, ബിസ്കറ്റ്, ചോക്ലേറ്റുകൾ തുടങ്ങിയ ഗ്രോസറി ഉൽപ്പന്നങ്ങൾക്കും വൻ ഡിസ്കൗണ്ടുകളാണ് പ്രഖ്യാപിച്ചിരിക്കുന്നത്.
പ്രത്യേകതകൾ:
-
തത്സമയ പാചക പ്രദർശനങ്ങൾ: വിവിധ രാജ്യങ്ങളിലെ വിഭവങ്ങൾ തത്സമയം പാചകം ചെയ്യുന്ന ദൃശ്യവിരുന്ന്.
-
ആർട്ടിസാനൽ ബ്രെഡ് ഡിസ്പ്ലേ: പുതുതായി ചുട്ടെടുത്ത വിവിധതരം ബ്രെഡുകൾ, ആഡംബര വെണ്ണകൾ, ചാർക്യുട്ടറി പ്ലേറ്ററുകൾ എന്നിവയുടെ നിര.
-
ടേക്ക് എവേ കോംബോകൾ: സീഫുഡ് വിരുന്നുകൾ, ബിരിയാണി മേള, ഏഷ്യൻ മീൽസ് തുടങ്ങിയവ ഉൾപ്പെടുന്ന ഹോട്ട് ഫുഡ് സെക്ഷൻ.
-
മധുരമേള: ഡോണട്ട് ഫെസ്റ്റിവലിന്റെ ഭാഗമായി കുട്ടികളുടെ പ്രിയപ്പെട്ട ഡോണട്ടുകൾക്ക് 50% കിഴിവും മീഡിയം കേക്കുകൾക്ക് 30% കിഴിവും ലഭ്യമാണ്.
ഷോപ്പിംഗിന് എത്തുന്നവർക്ക് ജെറ്റൂർ ടി2 (Jetour T2) കാറുകൾ സമ്മാനമായി ലഭിക്കുന്ന റഫിൾ ഡ്രോയിൽ പങ്കെടുക്കാനും അവസരമുണ്ട്. ഗുണമേന്മയുള്ള ഉൽപ്പന്നങ്ങൾ ആകർഷകമായ വിലയിൽ സ്വന്തമാക്കാനും ആഗോള രുചികൾ ആസ്വദിക്കാനും ലുലു വേൾഡ് ഫുഡ് ഫെസ്റ്റിവൽ 2026 ഏവരെയും സ്വാഗതം ചെയ്യുന്നു.
