മനാമ: രേഖകൾ ഇല്ലാത്തത് മൂലമോ മറ്റുമുള്ള വിവിധ കാരണങ്ങളാൽ ബഹ്‌റൈനിൽ ഇനിയും കോവിഡ് പ്രതിരോധ വാക്സിൻ എടുക്കാൻ പ്രയാസം നേരിടുന്ന പ്രവാസി ഇന്ത്യക്കാർക്ക് ഒരവസരം കൂടി. ഇന്ത്യൻ എംബസിയുടെ https://forms.gle/pMT3v1g3o4yVgnES8 എന്ന ഗൂഗിൾ ഫോം ലിങ്കിൽ രജിസ്ട്രർ ചെയ്യുന്നവർക്ക് ഓഗസ്റ്റ് 7 ന് രാവിലെ 10 മുതൽ സിത്ര മാളിലെ വാക്സിനേഷൻ കേന്ദ്രത്തിലെത്തി ആദ്യ ഡോസ് വാകസിൻ സ്വീകരിക്കാം. ബി അവെയർ ആപ് വഴി രജിസ്ട്രേഷൻ നടത്താൻ തടസ്സം നേരിടുന്നവർക്കാണ് ഈ അവസരം.
വിവിധ ഇന്ത്യൻ അസോസിയേഷനുകളുമായി സഹകരിച്ചാണ് ഇന്ത്യൻ എംബസി ഈ ദൗത്യത്തിന് തുടക്കം കുറിച്ചത്. രെജിസ്ട്രേഷൻ സംബന്ധമായ സഹായങ്ങൾക്ക് 36129714 അല്ലെങ്കിൽ 39293112 എന്നീ നമ്പറുകളിൽ ബന്ധപ്പെടാവുന്നതാണ്.
