ഹൃദയാഘാതം: മലയാളി യുവാവ് ബഹ്റൈനിൽ മരണപ്പെട്ടു

മനാമ: രണ്ടര മാസം മുൻപ് ബഹ്‌റൈനിൽ ജോലിക്കെത്തിയ മലയാളി യുവാവ് ഹൃദയാഘാതം മൂലം മരണപ്പെട്ടു. കോഴിക്കോട് താമരശ്ശേരി കൊടുവള്ളി ഉളിയാടൻകുന്നുമ്മൽ മുഹമ്മദ് ഷാഫി(31) ആണ് മരിച്ചത്. സാറിലെ കഫ്തീരിയയിൽ ജോലി ചെയ്ത് വരികയായിരുന്നു. ഇന്ന് (തിങ്കൾ) പുലർച്ചെ 5 മണിക്ക്  സാറിലെ താമസ സ്‌ഥലത്ത് വെച്ചായിരുന്നു അന്ത്യം. ഭാര്യയും ഒരു വയസ്സായ കുഞ്ഞും നാട്ടിലുണ്ട്. സൽമാനിയ ആശുപത്രിയിലേയ്ക്ക് മാറ്റിയ മൃതദേഹം നാട്ടിലേയ്ക്ക് കൊണ്ടുപോകാനുള്ള പ്രവർത്തനങ്ങൾ നടത്തിവരുന്നതായി കെ എം സി സി പ്രവർത്തകൻ സലാം മംബാട്ട്മൂല അറിയിച്ചു.