മനാമ: ബഹ്റൈനിൽ പുതുതായി 146 പേർക്ക് കൂടി കോവിഡ് സ്ഥിരീകരിച്ചു. ഇവരിൽ 127 പേർ വിദേശ തൊഴിലാളികളാണ്. 18 പേർക്ക് സമ്പർക്കത്തിലൂടെയാണ് രോഗം പകർന്നത്. വിദേശത്തുനിന്ന് തിരിച്ചെത്തിച്ച ഒരാളും രോഗം സ്ഥിരീകരിച്ചവരിലുണ്ട്. ഇന്ന് (മെയ് 5 ) ഉച്ചക്ക് 2 മണിക്ക് പുറത്തു വന്ന ആരോഗ്യ മന്ത്രാലയത്തിൻ്റെ റിപ്പോർട്ട് പ്രകരമാണിത്.
അതേ സമയം തന്നെ പുതുതായി 18 പേർ കൂടി സുഖം പ്രാപിച്ചതായും മന്ത്രാലയം അറിയിച്ചു. നിലവിൽ 1909 പേരാണ് ബഹ്റൈനിൽ ചികിത്സയിൽ കഴിയുന്നത്. ഇവരിൽ ഒരാൾ ഒഴികെ മറ്റുള്ളവരുടെ ആരോഗ്യ നില തൃപ്തികരമാണ്. 1762 പേരാണ് രാജ്യത്ത് ഇതുവരെ സുഖം പ്രാപിച്ചത്. 154584 പേരെ ഇതുവരെ രാജ്യത്ത് പരിശോധനകൾക്ക് വിധേയമാക്കിയിട്ടുണ്ട്.
