bahrainvartha-official-logo
Search
Close this search box.

കോവിഡ് പ്രതിരോധ വാക്സിൻ; ബഹ്റൈനിൽ പരീക്ഷണത്തിന് തയ്യാറായി 6,000 സന്നദ്ധ സേവകർ

മനാമ: ലോകാരോഗ്യ സംഘടനയുടെ കോവിഡ് പ്രതിരോധ വാക്‌സിന്‍ പരീക്ഷണത്തില്‍ ബഹ്‌റൈനില്‍ നിന്നുള്ള 6,000 സന്നദ്ധപ്രവര്‍ത്തകര്‍ ഭാഗമാവും. കോവിഡ് വാക്‌സിന്റെ മൂന്നാംഘട്ട പരീക്ഷണത്തിലാണ് ഇത്രയും പേര്‍ പങ്കെടുക്കുക. ലോകത്തിന്റെ വിവിധ ഭാഗങ്ങളില്‍ കോവിഡ് വാക്‌സീന്‍ പരീക്ഷണങ്ങള്‍ നടക്കുന്നുണ്ട്. ഇതില്‍ ഏറ്റവും പ്രതീക്ഷയോടെ നോക്കികാണുന്ന പരീക്ഷണങ്ങളെ ലോകാരോഗ്യ സംഘടന ലിസ്റ്റ് ചെയ്തിട്ടുണ്ട്. അതിലൊന്നിന്‍റെ മൂന്നാംഘട്ട പരീക്ഷണമാണ് ഇപ്പോള്‍ ബഹ്റൈനില്‍ നടക്കുന്നത്.

കോ​വി​ഡ്​ -19 പ്രതിരോധ വാക്സിൻ മൂ​ന്നാം ഘ​ട്ട പ​രീ​ക്ഷ​ണ​ത്തിൽ സ​ഹ​ക​രി​ക്കു​ന്ന പ്ര​തി​നി​ധി സം​ഘ​വു​മാ​യി എ​സ്.​സി.​എ​ച്ച്​ പ്ര​സി​ഡൻറ് നടത്തിയ കൂടിക്കാഴ്ച്ച

യു.​എ.​ഇ​യി​ൽ ന​ട​ത്തി​യ പ​രീ​ക്ഷ​ണ​ത്തി​ന്​ നേ​തൃ​ത്വം കൊ​ടു​ത്ത​വ​രു​മാ​യും അ​വ​രു​ടെ ചൈ​നീ​സ്​ പ​ങ്കാ​ളി​ക​ളു​മാ​യും സ​ഹ​ക​രി​ച്ചാ​ണ്​ മൂന്നാംഘട്ട ക്ലിനിക്കൽ ട്രയൽ നടക്കുന്നതെന്ന് സു​പ്രീം കൗ​ൺ​സി​ൽ ഓ​ഫ്​ ഹെ​ൽ​ത്ത്​ (എ​സ്.​സി.​എ​ച്ച്​) പ്ര​സി​ഡ​ൻ​റും കോ​വി​ഡ്​ പ്ര​തി​രോ​ധ​ത്തി​നു​ള്ള നാ​ഷ​ന​ൽ മെ​ഡി​ക്ക​ൽ ടാ​സ്​​ക്​ ഫോ​ഴ്​​സ്​ അ​ധ്യ​ക്ഷ​നു​മാ​യ ല​ഫ്. ജ​ന​റ​ൽ ഡോ. ​ശൈ​ഖ്​ മു​ഹ​മ്മ​ദ്​ ബി​ൻ അ​ബ്​​ദു​ല്ല ആ​ൽ ഖ​ലീ​ഫ വ്യക്തമാക്കുന്നു.

നിരവധി രാജ്യങ്ങളാണ് കോവിഡ് വാക്സിന്‍ മനുഷ്യരില്‍‌ പരീക്ഷിക്കാന്‍ ആരംഭിച്ചിരിക്കുന്നത്. നേരത്തെ ഇന്ത്യയുടെ കോവാക്‌സിന്‍ മനുഷ്യരില്‍ പരീക്ഷിക്കുന്നതിന്റെ ആദ്യഘട്ടം പൂര്‍ത്തിയായിരുന്നു. ജൂലൈ 17നാണ് മനുഷ്യരിലുള്ള പരീക്ഷണം റോത്തക്കിലെ പിജി ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് അധികൃതര്‍ ആരംഭിച്ചത്. എയിംസിലും പരീക്ഷണങ്ങള്‍ നടക്കുന്നുണ്ട്. രണ്ടാംഘട്ടത്തില്‍ ആറ് പേര്‍ക്ക് കോവാക്‌സിന്‍ കുത്തിവെച്ചിരിക്കുന്നത്.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Search

GCC News

More Posts

error: Content is protected !!