മനാമ: ബഹ്റൈനിൽ നടക്കുന്ന ഈ വർഷത്തെ രണ്ടാമത്തെ അന്താരാഷ്ട്ര ഫോർമുല വൺ ഗ്രാൻഡ് പ്രീ മത്സരങ്ങൾക്ക് തുടക്കമായി. ബഹ്റൈൻ ഇൻറർനാഷനൽ സർക്യൂട്ടിൽ അരങ്ങേറുന്ന സാഖിർ ഗ്രാൻഡ് പ്രീയിലെ ഇരു പരിശീലന മത്സരങ്ങളിലും മെഴ്സിഡസിൻ്റെ തേരാളി ജോർജ് റസൽ ഒന്നാമതെത്തി. ലോക ചാമ്പ്യൻ ലൂയിസ് ഹാമിൽട്ടൻ കോവിഡ് ബാധിതനായി പിൻവാങ്ങിയതിനെത്തുടർന്ന് പകരക്കാരനായാണ് 22കാരനായ ജോർജ് റസൽ ട്രാക്കിലിറങ്ങിയത്. മൂന്നാം പരിശീലന മത്സരം ഇന്ന്, ശനിയാഴ്ച വൈകീട്ട് അഞ്ചിന് നടക്കും. രാത്രി എട്ടിനാണ് യോഗ്യത മത്സരം. ഞായറാഴ്ച രാത്രി 8.10ന് നടക്കുന്ന ഫൈനലിലേക്കുള്ള പോൾ പൊസിഷൻ ഇതിലാണ് തീരുമാനിക്കപ്പെടുക.
FP1: Valtteri Bottas vs George Russell 👀⏱#SakhirGP 🇧🇭 #F1 pic.twitter.com/iRE7FZENWl
— Formula 1 (@F1) December 4, 2020
റെഡ് ബുള്ളിൻ്റെ മാക്സ് വെർസ്റ്റാപ്പെൻ രണ്ടാമതും അലക്സ് ആൽബോൻ മൂന്നാമതുമായാണ് ആദ്യ പരിശീലനയോട്ടത്തിൽ ഫിനിഷ് ചെയ്തത്. മെഴ്സിഡസിൻ്റെ വാൾട്ടേരി ബോട്ടാസ് നാലാമതും ആൽഫാ ടോറിയുടെ ഡാനിൽ കിവ്യാത്ത് അഞ്ചാമതും ഫിനിഷ് ചെയ്തു.
രണ്ടാമത് പരിശീലന മത്സരത്തിലും റസലിന് പിന്നാലെ റെഡ് ബുള്ളിൻ്റെ മാക്സ് വെർസ്റ്റാപ്പെൻ തന്നെ രണ്ടാമതെത്തിയപ്പോൾ റേസിംഗ് പോയിൻ്റ് ൻ്റെ സെർജിയോ പെരേസ് മൂന്നാമതുമായി ഫിനിഷ് ചെയ്തു.
കഴിഞ്ഞയാഴ്ച നടന്ന ബഹ്റൈൻ ഗ്രാൻറ് പ്രീ ആദ്യ മത്സരത്തിൽ ലൂയിസ് ഹാമിൽട്ടനാണ് ജേതാവായത്. ഇതിനുശേഷം കോവിഡ് സ്ഥിരീകരിച്ചതിനേ തുടർന്ന് അദ്ദേഹത്തിന് മത്സരങ്ങൾ നഷ്ടമാവുകയായിരുന്നു. സീസണിലെ 11 ജയങ്ങൾ ഹാമിൽട്ടൻ സ്വന്തമാക്കിയിരുന്നു.
അതേ സമയം തന്നെ ഇന്നലെ നടന്ന ഫോർമുല-2 യോഗ്യതാ മത്സരത്തിനിടെ മുൻ ചാമ്പ്യൻ മൈക്കിൾ ഷുമാക്കറുടെ മകൻ മിക്ക് ഷുമാക്കറും ജർമൻ റേസർ റോയ് നിസാനിയും തമ്മിലുണ്ടായ കൂട്ടിയിടി തെല്ലാശങ്ക സൃഷ്ടിച്ചു. അവസാന ലാപിൽ മിക്കിനെ ഓവർടേക് ചെയ്യാൻ ശ്രമിച്ച നിസാനിയുടെ വാഹനം മുകളിലേക്ക് പാഞ്ഞ് കയറുകയായിരുന്നു. ഇന്ന് നടക്കുന്ന F-2 മത്സരത്തിൽ 18 മനായാണ് ജൂനിയർ ഷുമാക്കർ തേരണിയുക.
HUGE implications for the championship?! 😳
Leader Schumacher collides with Nissany in qualifying and is set to start towards the back of the grid 😱#SakhirGP 🇧🇭 #F2 pic.twitter.com/nW3acVSCS0
— Formula 2 (@Formula2) December 4, 2020
