മനാമ: കോവിഡ് ഭീഷണി അതിജീവിക്കാന്‍ പ്രയാസപ്പെടുന്ന പ്രവാസികളുടെ ആഘോഷങ്ങളിൽ പട്ടിണിയുടെ നിഴൽ വീഴാതിരിക്കാൻ സോഷ്യൽ വെൽഫെയർ അസോസിയേഷന്‍ ബഹ്റൈൻ ജനസേവന വിഭാഗമായ വെൽകെയർ, ബഹ്റൈൻ ഓണം സൗഹൃദ കിറ്റുകൾ തയ്യാറാക്കുന്നു. അടുപ്പം കുറഞ്ഞാലും അടുപ്പുകള്‍ പുകയണം എന്ന പേരിൽ കഴിഞ്ഞ അഞ്ച് മാസമായി നല്കി കൊണ്ടിരിക്കുന്ന ഭക്ഷ്യധാന്യ കിറ്റുകളുടെയും ജീവൻ രക്ഷാ ഔഷധങ്ങളുടെയും തുടർച്ചയായാണ് സുമനസ്സുകളുടെ സഹായത്തോടെ ഓണം സൗഹൃദ കിറ്റുകൾ ഒരുക്കുന്നത്. അരിയും, ആട്ടയും മസാലക്കൂട്ടുകളും, പാചക എണ്ണയും, പച്ചക്കറികളുമടങ്ങുന്നതാണ് ഭക്ഷ്യ ധാന്യ കിറ്റ്. ഓണം സൗഹൃദ കിറ്റുകളിൽ പങ്കാളികളാവാൻ താല്പര്യമുള്ളവർക്ക് ടീം വെൽകെയറുമായ് ബന്ധപ്പെടാവുന്നതാണ് എന്ന് സോഷ്യല്‍ വെൽഫെയർ അസോസിയേഷന്‍ പ്രസിഡന്‍റ ബദറുദ്ദീൻ പൂവാർ അറിയിച്ചു.
ലോകോത്തര ബ്രാൻഡ് ‘പാരമൗണ്ട്’ എഫ്.എസ്.ഇ ഇനി ബഹ്റൈനിലെ ടൂബ്ലിയിലും; ഇന്ന് പ്രവർത്തനമാരംഭിക്കുന്നു
November 20, 2024
9:52 am
