മനാമ: എല്ലാവരുടെയും സുരക്ഷ ഉറപ്പു വരുത്തുന്ന തരത്തിൽ തൊഴിലിടങ്ങളും വാസസ്ഥലവും നിയന്ത്രിക്കുന്ന നിയമങ്ങൾ നടപ്പാക്കുന്നത് തുടരാൻ കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫ നിർദേശിച്ചതിനെത്തുടർന്ന് തൊഴിൽ, സാമൂഹിക വികസന മന്ത്രാലയം പരിശോധന പ്രവർത്തനങ്ങൾ ശക്തമാക്കി. തിരക്ക് കുറയ്ക്കുന്നതിനും ഓരോ തൊഴിലാളിക്കും വേണ്ടത്ര സ്ഥലം അനുവദിച്ചിട്ടുണ്ടെന്ന് ഉറപ്പുവരുത്തുന്നതിനുമായി ആഭ്യന്തര മന്ത്രാലയവും മറ്റ് യോഗ്യതയുള്ള അധികാരികളുമായി സഹകരിച്ച് പ്രവർത്തിക്കുന്നുണ്ട്.
ഇക്കാര്യത്തിൽ, തൊഴിൽ, സാമൂഹിക വികസന മന്ത്രി ജമീൽ ബിൻ മുഹമ്മദ് അലി ഹുമൈദാൻ ആഭ്യന്തര മന്ത്രാലയത്തിന്റെ നിരന്തരമായ ക്രിയാത്മക സഹകരണത്തെ പ്രശംസിക്കുകയും, ആഭ്യന്തര മന്ത്രി ജനറൽ ഷെയ്ഖ് റാഷിദ് ബിൻ അബ്ദുല്ല അൽ ഖലീഫയുടെ നിർദ്ദേശങ്ങളെ പ്രശംസിക്കുകയും കൊറോണ വൈറസ് മഹാമാരിയുടെ വ്യാപനം കുറയ്ക്കുന്നതിനുള്ള മുൻകരുതൽ ആരോഗ്യ നടപടികളുടെ പ്രതിബദ്ധത വർദ്ധിപ്പിക്കുന്നതിന് സഹായിക്കുന്ന ശ്രമങ്ങൾക്ക് പിന്തുണ നൽകുകയും ചെയ്തു.
തൊഴിൽ, പാർപ്പിടം എന്നിവയിലെ ക്രമക്കേടുകൾ പരിഹരിക്കുന്നതിനായി നിയമലംഘനങ്ങൾ നിരീക്ഷിക്കുന്നതിനും പരിഹരിക്കുന്നതിനും ഗവർണറേറ്റുകൾ വഹിച്ച നിർണായക പങ്കിനെ മന്ത്രി പ്രശംസിച്ചു.
ജോലിസ്ഥലങ്ങളിലെ ഉടമകളുടെയും തൊഴിലാളികളുടെയും ആരോഗ്യവും സുരക്ഷയും സംരക്ഷിക്കുന്നതിനായി ദേശീയ മെഡിക്കൽ ടാസ്‌ക്ഫോഴ്‌സിന്റെ മുൻകരുതൽ നടപടികളും ശുപാർശകളും തൊഴിലുടമകളും തൊഴിലാളികളും നടപ്പാക്കണമെന്ന് അദ്ദേഹം ഓർമ്മിപ്പിച്ചു.
