bahrainvartha-official-logo

ബഹ്‌റൈൻ മൂന്ന് ദിന ഗ്രീൻ ലെവലിലേക്ക്; മുൻകരുതൽ നിർദേശങ്ങൾ കൈവെടിയരുതെന്ന് ഓർമ്മപ്പെടുത്തി ആരോഗ്യ മന്ത്രാലയം

green level

മനാമ: ജൂലൈ 16 വെള്ളിയാഴ്ച മുതൽ ഇളവുകളോടെ ബഹ്‌റൈൻ ഗ്രീൻ ലെവെലിലേക്ക് മാറുന്ന സാഹചര്യത്തിൽ ജനങ്ങൾ ദേശീയ മെഡിക്കൽ ടാസ്ക് ഫോഴ്സ് നിർദേശിച്ച കോവിഡ് പ്രതിരോധ മുൻകരുതൽ നടപടികൾ പാലിക്കുന്നത് തുടരണമെന്ന് ഓർമ്മപ്പെടുത്തി ആരോഗ്യ മന്ത്രാലയം. പൊതു സ്ഥലങ്ങളിൽ സാമൂഹിക അകലം പാലിക്കണമെന്നും കൂട്ടം കൂടുന്നത് പരമാവധി ഒഴിവാക്കണമെന്നും അടച്ചിടുന്ന ഇടങ്ങളിൽ പ്രവേശിക്കുന്നവർ നിർബന്ധമായും മാസ്ക് ധരിക്കണമെന്നും മന്ത്രാലയം ഓർമിപ്പിച്ചു.

ജൂലൈ 16 മുതൽ ബഹ്‌റൈൻ ഗ്രീൻ ലെവലിലേക്ക്​ മാറുമെന്ന്​ നാഷണൽ മെഡിക്കൽ ടാസ്‌ക്‌ഫോഴ്‌സ്‌ അറിയിച്ചിരുന്നു . നിലവിൽ തുടർന്ന് വരുന്ന യെല്ലോ ലെവൽ പ്രകാരമുള്ള നിയന്ത്രണങ്ങളിൽ നിന്നാണ് ഗ്രീൻ ലെവെലിലേക്ക് മാറുന്നത്​. ശരാശരി കോവിഡ്​ ടെസ്​റ്റ്​ പോസിറ്റിവിറ്റി നിരക്കിൻറെ അടിസ്​ഥാനത്തിലാണ് തീരുമാനം. കഴിഞ്ഞ രണ്ടാഴ്​ചക്കിടെ പ്രതിദിന കോവിഡ്​ കേസുകളുടെ എണ്ണത്തിൽ കാര്യമായ കുറവുണ്ടായ സാഹചര്യത്തിലാണ്​ നിയന്ത്രണങ്ങളിൽ ഇളവ്​ വരുത്തുന്നത്​.

അ​റ​ഫ ദി​ന​വും, പെ​രു​ന്നാ​ൾ ദി​ന​വും തു​ട​ർ​ന്നു​ള്ള ര​ണ്ട്​ ദി​വ​സ​വും അ​ട​ക്കം ജൂ​ലൈ 19 തി​ങ്ക​ൾ മു​ത​ൽ 22 വ്യാ​ഴം വ​രെയുള്ള അവധി ദിവസങ്ങളിൽ രാജ്യം ഓറഞ്ച് അലേർട്ട് ലെവളിലേക്ക് മാറും. ജനങ്ങളുടെ ആരോഗ്യവും സുരക്ഷയും ഉറപ്പാക്കുന്നതിന്​ സാഹചര്യങ്ങൾക്കനുസരിച്ച് ആവശ്യമെങ്കിൽ ചില ദിവസങ്ങൾ ഉയർന്ന അലേർട്ട് ലെവലായി നിശ്​ചയിക്കുമെന്ന മുൻ പ്രഖ്യാപനം അനുസരിച്ചാണ്​ ഈ തീരുമാനം. ഈ​ദുൽ അ​ദ്​​ഹ അ​വ​ധി ദി​വ​സ​ങ്ങ​ൾ​ക്ക് ശേ​ഷം പു​തി​യ അ​ല​ർ​ട്ട്​ ലെ​വ​ൽ ​പ്ര​ഖ്യാ​പി​ക്കു​ന്ന​തിൻറെ ഭാ​ഗ​മാ​യി ശ​രാ​ശ​രി പോ​സി​റ്റി​വി​റ്റി നി​ര​ക്ക്​ ജൂ​ലൈ 23ന് ​വീ​ണ്ടും അ​വ​ലോ​ക​നം ചെ​യ്യും. തു​ട​ർ​ച്ച​യാ​യി 14 ദി​വ​സം ശ​രാ​ശ​രി ടി.​പി.​ആ​ർ ര​ണ്ട് ശ​ത​മാ​ന​ത്തി​ൽ താ​ഴെ​യാ​ണെ​ങ്കി​ലാ​ണ്​ ഗ്രീ​ൻ ലെ​വ​ലി​ലേ​ക്ക്​ മാ​റു​ന്ന​ത്.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp

GCC News

More Posts

error: Content is protected !!