മനാമ: സതേൺ ഗവർണറേറ്റിലെ പ്രവാസി ജീവനക്കാർ ഒത്തുകൂടുന്ന സ്ഥലങ്ങളിലും നിരവധി കടകളിലും ദേശീയ പാസ്‌പോർട്ട് ,റസിഡൻസ് അഫയേഴ്‌സ് ഡയറക്ടറേറ്റ്, സതേൺ ഗവർണറേറ്റ് എന്നിവയുടെ സഹകരണത്തോടെ ലേബർ മാർക്കറ്റ് റെഗുലേറ്ററി അതോറിറ്റി (എൽഎംആർഎ) പരിശോധന കാമ്പയിൻ നടത്തി.
പ്രാദേശിക വിപണിയെ സ്ഥിരപ്പെടുത്തുന്നതിനും തൊഴിൽ വിപണിയുടെ ന്യായം, വഴക്കം, മത്സരക്ഷമത എന്നിവയെ ബാധിക്കുന്ന ലംഘനങ്ങളോ നിയമവിരുദ്ധമായ നടപടിക്രമങ്ങളോ തിരിച്ചറിയാനും ഇത്തരം സംയുക്ത കാമ്പെയ്‌നുകൾ സഹായകമാകുന്നു. നിരവധി നിയമ ലംഘകരെ അറസ്റ്റ് ചെയ്യാനും ഈ കാമ്പെയ്‌ൻ കാരണമായി.
തൊഴിൽ വിപണിയിലെ നിയമവിരുദ്ധ പ്രവർത്തനങ്ങളെ കണ്ടെത്താനുള്ള സർക്കാർ ഏജൻസികളുടെ ശ്രമങ്ങളെ പിന്തുണയ്ക്കുന്നതിൽ സമൂഹത്തിന്റെ പങ്കിന്റെ പ്രാധാന്യം അതോറിറ്റി ഊന്നിപ്പറഞ്ഞു.
