മനാമ:
ബഹ്‌റൈൻ ലാൽ കെയേഴ്സ് നടത്തുന്ന പ്രതിമാസ ജീവ കാരുണ്യ പ്രവർത്തനങ്ങളുടെ ഭാഗമായി ഡിസംബർ മാസത്തെ സഹായം സൽമാനിയ ഹോസ്പിറ്റലിൽ ചികിത്സയിൽ കഴിഞ്ഞിരുന്ന തിരുവനന്തപുരം സ്വദേശി രാജൻ ദിലീപിന് നല്‍കി.
മോഹൻലാലിൻറെ ബ്രഹ്മാണ്ഡ ചിത്രം മരക്കാർ – അറബിക്കടലിന്റെ സിംഹം എന്ന സിനിമയുടെ ഫാൻസ്‌ ഷോയിലെ ആഘോഷങ്ങള്‍ ഒഴിവാക്കിയാണ് അടിയന്തിര ചികിത്സക്ക് വേണ്ടി നാട്ടിലേക്കു പോകാൻ നിര്‍വ്വാഹമില്ലാതെ വിഷമിച്ചു നിന്ന ദിലീപിന് നാട്ടിലേക്ക് പോകാനുള്ള യാത്ര ടിക്കറ്റ് നല്‍കിയത് .
ലാൽകെയെർസ് പ്രസിഡന്റ് ഫൈസൽ എഫ്. എം കോ-ഓർഡിനേറ്റർ ജഗത് കൃഷ്ണകുമാറിനു ടിക്കറ്റ് കൈമാറി, സെക്രട്ടറി ഷൈജു കമ്പ്രത്ത്, ട്രഷറർ ജസ്റ്റിൻ ഡേവിസ്, മറ്റു എക്സിക്യൂട്ടീവ് അംഗങ്ങളായ മണിക്കുട്ടൻ, ഗോപേഷ് മേലൂട്, കിരീടം ഉണ്ണി, ദീപക് എന്നിവർ സന്നിഹിതരായിരുന്നു.
