മനാമ : മൂല്യബോധമുള്ള ഒരു സമൂഹത്തെ വാർത്തെടുക്കുക എന്ന ലക്ഷ്യത്തോടെ രൂപീകരിക്കപ്പെട്ട മലർവാടി കുട്ടികളിൽ വിജ്ഞാനത്തോടൊപ്പം മൂല്യബോധവും സർഗാത്മകതയും സാമൂഹികാവബോധവും വളർത്തിയെടുക്കാനുതകുന്നതിനാവശ്
ബഹ്‌റൈനിൽ ഫ്രൻ്റ്സ് സോഷ്യൽ അസോസിയേഷൻറെ കുട്ടികളുടെ വിഭാഗമായ മലർവാടി എല്ലാ വർഷവും പ്രവാസി വിദ്യാർത്ഥികൾക്കായി നടത്തിവരുന്ന ‘മലർവാടി മഴവില്ല് മെഗാ ചിത്രരചനാമത്സരം’ പതിവുപോലെ ഈ വർഷവും ഏറെ പുതുമകളോടെ ബഹ്റൈൻ ദേശീയ ദിനാഘോഷത്തിന്റെ ഭാഗമായി ഡിസംബർ 17 ന് നടക്കും. മുൻവർഷങ്ങളിൽ ആയിരക്കണക്കിന് വിദ്യാർത്ഥികൾ പങ്കെടുത്ത ചിത്രരചന മത്സരം ഈ വർഷം കോവിഡ് സൃഷ്ടിച്ച പ്രതിസന്ധിയെ മറികടക്കാൻ zoom വെർച്വൽ പ്ലാറ്റ്ഫോമിൽ ഓൺലൈനായാണ് നടക്കുന്നത്. 2000 ത്തിലധികം പ്രവാസി വിദ്യാർഥികൾ മാറ്റുരക്കുന്ന മലർവാടി ഐമാക് മഴവില്ല് മെഗാ ചിത്രരചന മത്സരത്തിന് ഡിസംബർ 13 വരെയാണ് രജിസ്ട്രേഷൻ. എൽകെജി മുതൽ ഏഴാം ക്ലാസ് വരെയുള്ള ബഹ്‌റൈനിൽ താമസിക്കുന്ന പ്രവാസി വിദ്യാർത്ഥികൾക്കാണ് മത്സരത്തിൽ പങ്കെടുക്കാനാവുക. കിഡ്‌സ്, സബ്ജൂനിയർ, ജൂനിയർ എന്നീ മൂന്ന് വിഭാഗങ്ങളായാണ് ചിത്ര രചന മത്സരം. ഓൺലൈൻ മത്സരത്തിൽ മികവ് തെളിയിക്കുന്ന മത്സരാർത്ഥികളുടെ ഫൈനൽ ചിത്രരചനാ മത്സരം ജനുവരിയിൽ നടക്കും. അതിലാണ് വിജയികളെ പ്രഖ്യാപിക്കുക. വിജയികൾക്ക് ആകർഷകമായ സമ്മാനങ്ങൾക്ക് പുറമെ ഒട്ടേറെ പ്രോത്സാഹന സമ്മാനങ്ങളും നൽകും.
ഡിസംബർ 17 ന് ഉച്ചക്ക് 2 .00 മണിക്ക് ബഹ്റൈനിലെ ന്യൂ ഇന്ത്യൻ സ്കൂൾ പ്രിൻസിപ്പൽ ഗോപിനാഥ മേനോൻ ഉദ്ഘാടനം ചെയ്യുന്ന മലർവാടി മഴവില്ല് മെഗാ ചിത്രരചനാ മത്സരം മലർവാടി ജി. സി. സി. കോഡിനേറ്റർ സാജിദ് ആറാട്ടുപുഴ നിയന്ത്രിക്കും.
ഫ്രന്റസ് ബഹ്റൈൻ ഓഡിറ്റോറിയത്തിൽ നടന്ന മലർവാടി മഴവില്ല് മെഗാ ചിത്രരചന പത്ര സമ്മേളനത്തിൽ ഫ്രന്റസ് ബഹ്റൈൻ മീഡിയ കൺവീനർ പി. പി. ജാസിർ, ബഹ്റൈൻ മലർവാടി കോഡിനേറ്റർ സക്കീന അബ്ബാസ്, മലർവാടി മെഗാ ചിത്രരചന പ്രാഗ്രാം കൺവീനർ നൗമൽ റഹ്മാൻ, മലർവാടി രക്ഷാധികാരി ജമാൽ ഇരിങ്ങൽ, വൈസ് പ്രസിഡന്റ് സഈദ് റമദാൻ നദ്‌വി, അബ്ബാസ് മലയിൽ, ജമീല ഇബ്രാഹിം, സമീറ നൗഷാദ്, അസ്‌ലം വേളം, അബ്ദുൽ ജലീൽ എന്നിവർ പങ്കെടുത്തു.
