മനാമ: ബഹ്റൈനിലെത്തുന്ന യാത്രക്കാർക്ക് വിമാനത്താവളത്തിൽ ഉണ്ടായിരുന്ന കോവിഡ് പരിശോധനയും തുടർന്നുള്ള ക്വാറന്റീനും ഫെബ്രവരി 20 മുതൽ ഒഴിവാക്കിയതായി ഉത്തരവ്. ദേശീയ കോവിഡ് പ്രതിരോധ സമിതിയുടെ നിർദേശപ്രകാരം സിവിൽ ഏവിയേഷൻ അഫയേഴ്സാണ് തീരുമാനം പ്രഖ്യാപിച്ചത്.
നേരത്തെ 36 ദിനാറടച്ചു മൂന്ന് തവണയായി നടത്തേണ്ടിയിരുന്ന പരിശോധന പിന്നീട് 12 ദിനാറിന് ഒരു തവണയാക്കി ചുരുക്കിയിരുന്നു. ഇതാണ് നിലവിൽ ഒഴിവാക്കിയിരിക്കുന്നത്. ഒപ്പം തന്നെ ബഹ്റൈനിലെത്തുന്ന യാത്രക്കാർക്ക് ഏർപ്പെടുത്തിയിരുന്ന മുൻകരുതൽ ക്വാറന്റീനും ഒഴിവാക്കിയിട്ടുണ്ട്.