മനാമ: മുസ്ലിം ലീഗ് സംസ്ഥാന പ്രസിഡന്റ് പാണക്കാട് ഹൈദരലി ശിഹാബ് തങ്ങളുടെ വിയോഗത്തെ തുടർന്ന് ഐ.വൈ.സി.സി അനുശോചന യോഗം സംഘടിപ്പിച്ചു. സൂം ഫ്ലാറ്റ്ഫോമിൽ നടന്ന ചടങ്ങിൽ ഐ.വൈ.സി.സി ദേശിയ പ്രസിഡന്റ് ജിതിൻ പരിയാരം അദ്ധ്യക്ഷത വഹിച്ചു.
ലാളിത്യവും സൗമ്യതയും കൊണ്ട് ജനമനസ്സുകളില്‍ ഇടംനേടാന്‍ അദ്ദേഹത്തിനായി. രാഷ്ട്രീയ എതിരാളികള്‍ പോലും ബഹുമാനിക്കുന്ന വ്യക്തിത്വമായിരുന്നു. സൗമ്യതയും കാരുണ്യവും മുഖമുദ്രയാക്കിയ തങ്ങളുടെ വേർപാട് കേരളീയ സമൂഹത്തിനും യു.ഡി.എഫിനും നികത്തനാവാത്ത നഷ്ടമാണെന്ന് അനുശോചന പ്രഭാഷണം നടത്തിയ ഇന്ത്യൻ യൂണിയൻ മുസ്ലിം ലീഗ് മലപ്പുറം ജില്ലാ സെക്രട്ടറി കെ.എം ഗഫൂർ സാഹിബ് പറഞ്ഞു.
ചടങ്ങിൽ ഫാസിൽ വട്ടോളി, അനസ് റഹിം എന്നിവർ അനുസ്മരിച്ചു. ഐ.വൈ.സി.സി ദേശിയ സെക്രട്ടറി ബെൻസി ഗനിയുഡ് സ്വാഗതവും ദേശിയ ട്രഷറർ വിനോദ് ആറ്റിങ്ങൽ നന്ദിയും പറഞ്ഞു.
