മനാമ: കെ.എം.സി.സി ബഹ്റൈൻ പൊന്നാനി നിയോജക മണ്ഡലം കമ്മിറ്റി നിലവിൽ വന്നു. മനാമ കെ.എം.സി.സി ഓഫിസിൽ ചേർന്ന കൺവെൻഷനിൽ മലപ്പുറം ജില്ല കെ.എം.സി.സി പ്രസിഡന്റ് ഇക്ബാൽ താനൂർ അധ്യക്ഷത വഹിച്ചു.
സംസ്ഥാന സെക്രട്ടേറിയറ്റ് അംഗം വി.എച്ച്. അബ്ദുല്ല ഉദ്ഘാടനം ചെയ്തു. പ്രസിഡന്റായി ശിഹാബ് വെളിയംകോട്, ജനറൽ സെക്രട്ടറിയായി സുബൈർ തങ്ങൾ ചങ്ങരംകുളം, ട്രഷററായി ജഷീർ, ഓർഗനൈസിങ് സെക്രട്ടറിയായി ഷെമീർ ബാവ വെളിയംകോട് എന്നിവരെ തെരഞ്ഞെടുത്തു.
വൈസ് പ്രസിഡന്റുമാരായി വി.എം സിദ്ധിഖ് വെളിയംകോട്, പി.എ. അബ്ദുൽ റഷീദ്, മുഹമ്മദ് അലി ചങ്ങരംകുളം, സെക്രട്ടറിമാരായി കെ.ഒ. നിസാർ വെളിയംകോട്, മഹ്ബൂബ് പുതുപൊന്നാനി, ഷമീർ, മൊയ്തുട്ടി വെളിയംകോട് എന്നിവരെയും തെരഞ്ഞെടുത്തു. ജില്ല സെക്രട്ടറി മഹ്റൂഫ് തവനൂർ റിട്ടേണിങ് ഓഫിസറായിരുന്നു.
പുതിയ കമ്മിറ്റിക്ക് മലപ്പുറം ജില്ല കെ.എം.സി.സി ജനറൽ സെക്രട്ടറി ഉമ്മർ കൂട്ടിലങ്ങാടി, ജില്ല ഓർഗനൈസിങ് സെക്രട്ടറി റിയാസ് ഒമാനൂർ, ജില്ല വൈസ് പ്രസിഡന്റ് വി.കെ. റിയാസ് എന്നിവർ ആശംസകൾ നേർന്നു. മലപ്പുറം ജില്ല സെക്രട്ടറി ശഫീഖ് പാലപ്പെട്ടി സ്വാഗതവും മണ്ഡലം ട്രഷറർ നന്ദിയും പറഞ്ഞു.