മനാമ: എസ്.എഫ്.ഐ സംസ്ഥാന കമ്മിറ്റിയും ബഹ്റൈനിലെ മലയാളികളുടെ കൂട്ടായ്മയായ ബഹ്റൈൻ പ്രതിഭയും ചേർന്ന് ബഹ്റൈൻ പ്രതിഭ പുരസ്കാരം നൽകുന്നു. എസ്.എസ്.എൽ.സി, പ്ലസ് ടു, ഡിഗ്രി, പി.ജി, പ്രഫഷനൽ പരീക്ഷകളിൽ കഴിഞ്ഞ അധ്യയന വർഷം ഉന്നത വിജയം കരസ്ഥമാക്കിയ സാമ്പത്തികമായി പിന്നാക്കം നിൽക്കുന്ന വിദ്യാർഥികൾക്കാണ് പുരസ്കാരം ലഭിക്കുക.
താൽപര്യമുള്ളവർ ബയോഡേറ്റ, മാർക്ക് ലിസ്റ്റിന്റെയും വരുമാന സർട്ടിഫിക്കറ്റിന്റെയും സാക്ഷ്യപ്പെടുത്തിയ പകർപ്പ് എന്നിവ സഹിതം അപേക്ഷ അയക്കണം. വിലാസം: സെക്രട്ടറി, എസ്.എഫ്.ഐ സംസ്ഥാന കമ്മിറ്റി, കെ.വി. സുധീഷ് സ്മാരകം, തൈവിള ലൈൻ, തിരുവനന്തപുരം-695001. ഇ-മെയിൽ: kvsudheeshsmarakam@gmail.com. കവറിന് പുറത്ത് മുകളിൽ ബഹ്റൈൻ പ്രതിഭ പുരസ്കാരം എന്നെഴുതണം. അപേക്ഷ ലഭിക്കേണ്ട അവസാന തീയതി: സെപ്റ്റംബർ 26.