മനാമ: ബഹ്റൈൻ-കേരള നേറ്റിവ് ബാൾ ഫെഡറേഷന്റെ ആഭിമുഖ്യത്തിൽ സംഘടിപ്പിക്കുന്ന രണ്ടാമത് ഫെഡറേഷൻ കപ്പ് നാടൻ പന്ത് കളി ടൂർണമെന്റിൽ കഴിഞ്ഞ ദിവസം നടന്ന മത്സരത്തിൽ വാകത്താനവും പാമ്പാടിയും ജേതാക്കളായി.
ആദ്യ മത്സരത്തിൽ വാകത്താനം ടീം മണർകാട് ടീമിനെയും രണ്ടാം മത്സരത്തിൽ പാമ്പാടി ടീം വണ്ടന്മേട് ടീമിനെയും പരാജയപ്പെടുത്തി. ഐ.വൈ.സി.സി ദേശീയ പ്രസിഡന്റ് ബി.ജെ. ജിതിൻ ഉദ്ഘാടനം ചെയ്തു. സെക്രട്ടറി ജെയ്സൺ മുഖ്യാതിഥിയായിരുന്നു. പ്രസിഡന്റ് റെജി കുരുവിള അധ്യക്ഷത വഹിച്ചു. ചടങ്ങിൽ റോബിൻ ഏബ്രഹാം സ്വാഗതവും മനോഷ് കോര നന്ദിയും പറഞ്ഞു.