മനാമ: ബഹ്റൈൻ കെ.എം.സി.സി സ്ഥാപകനേതാക്കളിൽ പ്രമുഖനും കോഴിക്കോട് ജില്ല കമ്മിറ്റി മുൻ പ്രസിഡന്റുമായ കേളോത്ത് ഇബ്രാഹീം ഹാജി ആയഞ്ചേരിയുടെ നിര്യാണത്തിൽ കെ.എം.സി.സി ബഹ്റൈൻ കോഴിക്കോട് ജില്ല കമ്മിറ്റി അനുശോചിച്ചു. മനാമ കെ.എം.സി.സി ആസ്ഥാനത്ത് നടന്ന അനുശോചന യോഗത്തിൽ പ്രസിഡന്റ് ഫൈസൽ കോട്ടപ്പള്ളി അധ്യക്ഷത വഹിച്ചു. സംസ്ഥാന സീനിയർ വൈസ് പ്രസിഡന്റ് കുട്ടൂസ മുണ്ടേരി, റസാഖ് ആയഞ്ചേരി, കെ.കെ അഷ്റഫ് എന്നിവർ സംസാരിച്ചു.
പ്രത്യേക പ്രാർഥനക്കും നമസ്കാരത്തിനും ഫൈസൽ കണ്ടിതാഴ നേതൃത്വം നൽകി. ഹസൈനാർ കളത്തിങ്കൽ, ഒ.കെ കാസിം, റഫീഖ് തോട്ടക്കര, സുഹൈൽ മേലടി, ഇസ്ഹാഖ് വില്യാപ്പള്ളി, ഹമീദ് അയനിക്കാട്, അഷ്റഫ് തോടന്നൂർ, ഷാഫി വേളം, മുനീർ ഒഞ്ചിയം, സാഹിർ ബാലുശ്ശേരി, ലത്തീഫ് കൊയിലാണ്ടി തുടങ്ങിയവർ പങ്കെടുത്തു.