ദോഹ: ഗ്രൂപ്പ് ബി യിലെ രണ്ടാം മത്സരത്തിൽ യു എസ് എ യെ സമനിലയിൽ തളച്ച് വെയിൽസ്. ആദ്യ പകുതിയിൽ കളിയുടെ 36ാം മിനിറ്റിൽ തിമോത്തി വിയ നേടിയ ഗോളിലൂടെ മുന്നിട്ട് നിന്ന യു എസ് എ യെ 82 ആം മിനിറ്റിൽ വെയിൽസ് സൂപ്പർ താരം ഗാരത് ബെയിൽസ് പെനാൽറ്റിയിലൂടെ നേടിയ ഗോളിൽ സമനിലയിൽ തളക്കുകയായിരുന്നു.
ആദ്യ നിമിഷങ്ങളിൽ തന്നെ ആക്രമിച്ചു തുടങ്ങി പന്തടക്കത്തിലും മുന്നേറ്റങ്ങളിലും ആധിപത്യം പുലർത്തിയായിൽ യു.എസ് എ യുടെ മുന്നേറ്റം. കളിയുടെ പത്താം മിനുറ്റിൽ ഗോളുറപ്പിച്ച മുന്നേറ്റവുമായി നീങ്ങിയ യു.എസ് താരം ജോഷ് സെർജന്റിന്റെ ഹെഡർ വെയ്ൽസ് പോസ്റ്റിലിടിച്ച് മടങ്ങിയിരുന്നു.
64 വർഷത്തെ ഇടവേളയ്ക്ക് ശേഷമാണ് വെയിൽസിന് ലോകകപ്പ് മത്സരത്തിനായി യോഗ്യത ലഭിക്കുന്നത്. ചരിത്രത്തിലെ തന്നെ വെയിൽസിന്റെ രണ്ടാം ലോകകപ്പാണിത്.