മനാമ: ഇന്ത്യൻ യൂത്ത് കോൺഗ്രസിന്റെ പ്രവാസി വിഭാഗമായ ഐ വൈ സി ഇന്റർനാഷണലിൻറെ ബഹ്‌റൈനിലെ ചെയർമാൻ ആയി നിസാർ കുന്നംകുളത്തിങ്ങൽ നിയമിതനായി. ഐ വൈ സി ഇന്റർനാഷണൽ ഗ്ലോബൽ ഹെഡ് ചെയർമാൻ യാഷ് ചൗധരിയാണ് ഇത് സംബന്ധിച്ച ഉത്തരവ് പുറത്തിവിട്ടത്.
പട്ടാമ്പി ഓങ്ങല്ലൂർ സ്വദേശിയായ നിസാർ എം ബി എ ബിരുദ ധാരിയും കലിമ എംകെഎ ഗ്രൂപ്പിന്റെ ജനറൽ മാനേജറുമാണ്. നിലവിൽ ഒഐസിസി ബഹ്‌റൈൻ ദേശീയ കമ്മറ്റി അംഗം, യൂത്ത് വിംഗ് സെക്രട്ടറി, ഐ വൈ സി ബഹ്‌റൈൻ കൗൺസിൽ അംഗവും എന്നീ നിലകളിൽ പ്രവർത്തിച്ചു വരുന്നുണ്ട്. പഠന കാലത്ത് കെ എസ് യു വിലും അത് കഴിഞ്ഞ് യൂത്ത് കോൺഗ്രസിലും ബ്ലോക്ക്‌ ജില്ലാ തലത്തിൽ പ്രവർത്തിച്ചിരുന്നു.
