മനാമ: പരിസ്ഥിതി പ്രവർത്തകൻ കോഴിക്കോട് ബാലുശ്ശേരി കരുമല ചെങ്കുന്നത്ത് മീത്തൽ രാഘവൻ എന്ന നാട്ടുകാരുടെ ചാക്കോ രാഘവേട്ടനെ കേരള ഗാലക്സി ഗ്രൂപ് ബഹ്റൈന്റെ ആഭിമുഖ്യത്തിൽ ആദരിച്ചു. പരിസ്ഥിതിയെ ചേർത്തുപിടിച്ച് ഒറ്റയാൾ പോരാട്ടം നടത്തുന്ന രാഘവേട്ടനെ കേരള ഗാലക്സി ഗ്രൂപ് രക്ഷാധികാരി വിജയൻ കരുമലയുടെ നിർദേശപ്രകാരം പത്നി നളിനിയുടെയും കേരള ഗാലക്സി ബഹ്റൈൻ പ്രാദേശിക കോഓഡിനേറ്റർ പത്മനാഭൻ പി.പിയുടെയും നേതൃത്വത്തിൽ രാഘവേട്ടന്റെ വീട്ടിലെത്തിയാണ് ആദരവ് നൽകിയത്.
സാംസ്കാരിക പ്രവർത്തകൻ സുരേഷ് ബാബു കരുമല പൊന്നാടയണിയിച്ചു. എഴുത്തുകാരിയും അധ്യാപികയുമായ പി. മിനി മെമന്റോയും നല്കി. ജീവകാരുണ്യ പ്രവർത്തകൻ ടി.പി. ശ്രീജിത്ത് സ്വാഗതം പറഞ്ഞു.