മനാമ: വോയിസ് ഓഫ് ട്രിവാൻഡ്രം ബഹ്റൈൻ ഫോറം അൽ റബീഹ് മെഡിക്കൽ സെന്ററുമായി സഹകരിച്ച് 28/8/2023 രാവിലെ 8 മണി മുതൽ 12 മണിവരെ സൗജന്യ മെഡിക്കൽ ക്യാമ്പ് സംഘടിപ്പിച്ചു. വോയിസ് ഓഫ് ട്രിവാന്ഡ്രം ബഹ്റൈൻ ഫോറം പ്രസിഡന്റ് പ്രമോദ് മോഹന്റെയും സെക്രട്ടറി സരിത വിനോജിന്റെയും മറ്റ് എക്സിക്യൂട്ടീവ് ഭാരവാഹികളുടെയും വോളന്റിസിന്റെയും നേതൃത്വത്തിൽ നടന്ന മെഡിക്കൽ ക്യാമ്പിൽ 330ഓളം രജിസ്ട്രേഷൻ നടക്കുകയും ചെയ്തു.
മെഡിക്കൽ ക്യാമ്പിനോട് അനുബന്ധിച്ച് വോയിസ് ഓഫ് ട്രിവാൻഡ്രം ബഹ്റൈൻ ഫോറത്തിന് വേണ്ടിയുള്ള പ്രിവിലേജ് കാർഡ് ഹോസ്പിറ്റൽ മാനേജ്മെന്റ് കയ്യിൽ നിന്നും സാമൂഹ്യപ്രവർത്തകനായ കെ ടി സലീം ഏറ്റു വാങ്ങി ഉത്‌ഘാടന കർമ്മം നിർവഹിച്ചു.
കൂടാതെ അൻവർ നിലമ്പൂർ, ഷാജി മൂതല എന്നിവർ പ്രോഗ്രാമിൽ പങ്കെടുക്കുകയും, ആശംസ അറിയിക്കുകയും ചെയ്തു. വോളന്റീർസിന്റെ പ്രയത്നങ്ങൾക്കും ഹോസ്പിറ്റൽ ജീവനക്കാരുടെ സഹകരണത്തിനും വോയിസ് ഓഫ് ട്രിവാന്ഡ്രം ബഹ്റൈൻ ഫോറം പ്രേത്യേകം അഭിനന്ദനങ്ങൾ അറിയിച്ചു.
