മനാമ: പുകയില വിരുദ്ധ പ്രചാരണ ഭാഗമായി മുഹറഖ് മലയാളി സമാജം നേതൃത്വത്തിൽ ഒരാഴ്ച നീണ്ടു നിൽക്കുന്ന പോസ്റ്റർ കാമ്പയിനു തുടക്കമായി. രക്ഷാധികാരി എബ്രഹാം ജോൺ സർ ന്യൂ ഇന്ത്യൻ സ്കൂൾ പ്രിൻസിപ്പാൾ ഗോപിനാഥമേനോനു നൽകി പോസ്റ്റർ പ്രകാശനം നിർവ്വഹിച്ചു. പ്രസിഡന്റ് അനസ് റഹിം അധ്യക്ഷൻ ആയിരുന്നു.
ചടങ്ങിൽ ശ്രീഷ്‌ണ സുരേഷ്, ഉപദേശക സമിതി ചെയർമാൻ ലത്തീഫ് കെ എന്നിവർ ആശംസകൾ അർപ്പിച്ചു. വൈസ് പ്രസിഡന്റ് അബ്ദുൽ മൻഷീർ പുകയില വിരുദ്ധ പ്രതിജ്ഞ ചൊല്ലി കൊടുത്തു. സെക്രട്ടറി ആനന്ദ് വേണുഗോപാൽ സ്വാഗതവും ട്രഷറർ ശിവശങ്കർ നന്ദിയും പറഞ്ഞു.
