മനാമ: ലുലു ഹൈപ്പർമാർക്കറ്റ് ബഹ്‌റൈന് പവർലിസ്റ്റ് മിഡിൽ ഈസ്റ്റ് അവാർഡ്. റീട്ടെയിൽ ബ്രാൻഡ് ഓഫ് ദി ഇയർ എന്ന നിലക്കാണ് അവാർഡ് ലഭിച്ചത്. റോഷ്‌കോമിന്റെ ‘പവർ ലിസ്റ്റ് മിഡിൽ ഈസ്റ്റ്’ അവാർഡിന്റെ ഭാഗമായാണ് ലുലുവിന് അവാർഡ് സമ്മാനിച്ചത്. ശൂറ കൗൺസിൽ ചെയർമാൻ അലി ബിൻ സലേഹ് അൽ സാലിഹ് ലുലു ഗ്രൂപ് ഇന്റർനാഷനൽ ഡയറക്ടർ ജൂസർ രൂപാവാലക്ക് പുരസ്‌കാരം സമ്മാനിച്ചു.
ഉപഭോക്താക്കൾക്ക് മികച്ച സേവനം നൽകുന്നതിന് ലുലു ഗ്രൂപ് പ്രതിജ്ഞാബദ്ധരാണെന്ന് അവാർഡ് സ്വീകരിച്ചുകൊണ്ട് ജൂസർ രൂപാവാല പറഞ്ഞു. അവാർഡ് ഞങ്ങൾക്ക് ലഭിച്ചതിൽ അതിയായ സന്തോഷമുണ്ട്. ലുലു ടീമിന്റെ കഠിനാധ്വാനത്തിന്റെയും പ്രതിബദ്ധതയുടെയും തെളിവാണ് അവാർഡെന്നും അദ്ദേഹം പറഞ്ഞു.
