മനാമ: ബി.എഫ്.സി.കെ.സി.എ- ഓണം പൊന്നോണം 2024 ഓണാഘോഷ പരിപാടികളുടെ ഭാഗമായി കെ.സി.എ അങ്കണത്തില്‍ ഓണസദ്യ ഒരുക്കി. ചെയര്‍മാന്‍ നിത്യന്‍ തോമസ്, വൈസ് ചെയര്‍മാന്‍ ഫിലിപ്പ് ജോണ്‍, ഓണസദ്യ കണ്‍വീനര്‍ റോയ് ജോസഫ് എന്നിവരടങ്ങുന്ന ഓണാഘോഷ കമ്മിറ്റി ഓണസദ്യയ്ക്ക് നേതൃത്വം നല്‍കി. ബഹ്‌റൈനിലെ പ്രമുഖ സംഘടനകളുടെ പ്രതിനിധികളും മാധ്യമപ്രതിനിധികളും കെ.സി.എ. അംഗങ്ങളുടെ കുടുംബാംഗങ്ങളും ഉള്‍പ്പെടെ ആയിരത്തോളം പേര്‍ ഓണസദ്യയില്‍ പങ്കെടുത്തു. കോവളം എം.എല്‍.എ. എം. വിന്‍സന്റ് പ്രത്യേക അതിഥിയായി പങ്കെടുത്തു. പമ്പാവാസന്‍ നായര്‍ മുഖ്യാതിഥി ആയിരുന്നു. അപ്പോസ്തലിക് വികാര്‍ ഓഫ് നോര്‍ത്തേണ്‍ അറേബ്യയുടെ സെക്രട്ടറി ഫാദര്‍ ലിജോ വിശിഷ്ടാതിഥിയായി പങ്കെടുത്തു. കെ.സി.എ. പ്രസിഡന്റ് ജെയിംസ് ജോണ്‍ അധ്യക്ഷത വഹിച്ച ചടങ്ങില്‍ കെ.സി.എ. ജനറല്‍ സെക്രട്ടറി വിനു ക്രിസ്റ്റി സ്വാഗതം പറഞ്ഞു. പ്രത്യേക അതിഥി എം. വിന്‍സന്റ് എം.എല്‍.എയും മുഖ്യാതിഥി പമ്പാവാസന്‍ നായരും ആശംസകള്‍ നേര്‍ന്നു സംസാരിച്ചു.
ലോകോത്തര ബ്രാൻഡ് ‘പാരമൗണ്ട്’ എഫ്.എസ്.ഇ ഇനി ബഹ്‌റൈനിലെ ടൂബ്ലിയിലും; ഇന്ന് പ്രവർത്തനമാരംഭിക്കുന്നു
November 20, 2024
9:52 am
