കെ.എസ്.എഫ്.ഇ. പ്രവാസി ചിട്ടി; ധനകാര്യമന്ത്രി കെ.എൻ. ബാലഗോപാൽ ബഹ്‌റൈനിൽ

മനാമ: പ്രവാസി മലയാളികൾക്കായി കെ.എസ്.എഫ്.ഇ. അവതരിപ്പിക്കുന്ന പ്രവാസി ചിട്ടിയുടെ പ്രമോഷൻ ലക്ഷ്യമിട്ടുകൊണ്ട് ഗൾഫ് രാജ്യങ്ങൾ സന്ദർശിക്കുന്നതിൻറെ ഭാഗമായി കേരള സംസ്ഥാന ധനകാര്യ മന്ത്രി കെ.എൻ. ബാലഗോപാൽ, കെ.എസ്.എഫ്.ഇ. പ്രതിനിധികളോടൊപ്പം ഇന്ന് ഒക്ടോബർ എട്ട് ചൊവ്വാഴ്ച ഉച്ചയ്ക്ക് ബഹ്റൈനിലെത്തും. ചൊവ്വാഴ്ച വൈകീട്ട് 5 മണിക്ക് സീഫിൽ സിറ്റി സെന്ററിന് മുൻവശമുള്ള ഹോട്ടൽ റമദ സിറ്റി സെന്ററിൽ നടക്കുന്ന പ്രവാസി മീറ്റിൽ പങ്കെടുക്കാൻ താൽപര്യം ഉള്ള മുഴുവൻ ആളുകളും പങ്കെടുക്കണമെന്ന് ലോകകേരള സഭ അംഗം സുബൈർ കണ്ണൂർ അഭ്യർഥിച്ചു.