മനാമ: രാജ്യത്ത് തന്നെ മത സൗഹാര്‍ദ്ദ അന്തരീക്ഷത്തിന് മാതൃകയായിട്ടുള്ള മലപ്പുറം ജില്ലയെ കുറിച്ച് വെള്ളാപ്പള്ളി നടേശന്‍ നടത്തിയ പ്രസ്താവന അങ്ങേയറ്റം പ്രതിഷേധാര്‍ഹമെന്ന് ഒഐസിസി മലപ്പുറം ജില്ല കമ്മിറ്റി. തുടര്‍ച്ചയായി അദ്ദേഹം നടത്തുന്ന ഇത്തരം പ്രസ്താവനകള്‍ ബിജെപിയെ പ്രീണിപ്പിക്കാനാണ്.
എല്ലാ മത വിഭാഗത്തില്‍പെട്ട ആളുകളും വളരെ സൗഹാര്‍ദ്ദത്തോട് കൂടി ജീവിക്കുന്ന മലപ്പുറത്തെ കുറിച്ച് അപകീര്‍ത്തികരമായ പ്രസംഗം നടത്തിയ വെള്ളാപ്പള്ളിക്കെതിരെ കേസെടുക്കാന്‍ മുഖ്യമന്ത്രി തയ്യാറാകണമെന്ന് ഒഐസിസി മലപ്പുറം ജില്ലാ പ്രസിഡന്റ് റംഷാദ് അയിലക്കാട്, ജനറല്‍ സെക്രട്ടറി രഞ്ജിത്ത് പടിക്കല്‍ എന്നിവര്‍ പ്രസ്താവനയില്‍ ആവശ്യപ്പെട്ടു.
