മനാമ: കോവിഡ് വ്യാപനം തടയുന്നതിന്റെ ഭാഗമായി പൊതുജനങ്ങള്‍ മെയ്-7 മുതല്‍ പാലിക്കേണ്ട നിര്‍ദേശങ്ങള്‍ പുറത്തിറക്കി ബഹ്‌റൈന്‍ ആരോഗ്യമന്ത്രാലയം. പുതിയ മാര്‍ഗനിര്‍ദേശങ്ങള്‍ പ്രകാരം കടകള്‍ക്ക് പ്രവര്‍ത്തിക്കാന്‍ അനുമതിയുണ്ട്. എന്നാല്‍ കര്‍ശന നിയന്ത്രണങ്ങളോടെ മാത്രമായിരിക്കും പ്രവര്‍ത്തിക്കുക.
പുതിയ നിർദേശങ്ങൾ
1. ഉപഭോക്താക്കൾക്ക് നേരിട്ട് സേവനങ്ങൾ നൽകുന്ന വാണിജ്യ സ്ഥാപനങ്ങൾ മേയ് ഏഴിന് വൈകീട്ട് ഏഴ് മുതൽ തുറന്നുപ്രവർത്തിക്കാം. കഴിഞ്ഞ രണ്ടാഴ്ച അടച്ചിട്ട സ്ഥാപനങ്ങളാണ് വീണ്ടും തുറക്കുന്നത്. ഈ സ്ഥാപനങ്ങൾ സർക്കാർ നിർദേശിക്കുന്ന മുൻകരുതലുകൾ പാലിക്കണം.
പ്രധാന മുൻകരുതൽ നിർദേശങ്ങൾ:
A) എല്ലാ ജീവനക്കാരും ഉപഭോക്താക്കളും മാസ്ക്ക് ധരിക്കണം
B) തിരക്കൊഴിവാക്കാനും സാമൂഹിക അകലം പാലിക്കാനും നടപടി സ്വീകരിക്കണം
C) സ്ഥാപനങ്ങൾ സ്ഥിരമായി അണുവിമുക്തമാക്കണം
D) പ്രവേശന കവാടത്തിൽ ക്യൂ പാലിക്കുന്നതിനുള്ള അടയാളങ്ങൾ രേഖപ്പെടുത്തണം
2. സ്വകാര്യ മേഖലക്കുള്ള നിർദേശങ്ങൾ:
A) പരമാവധി വീട്ടിലിരുന്ന് ജോലി നടപ്പാക്കണം
B) ഓഫീസിൽ ജോലി ചെയ്യുന്നവരുടെ എണ്ണം കുറക്കണം. സാമുഹിക അകലം പാലിക്കണം
തൊഴിലുടമ നൽകുന്ന ഗതാഗത സംവിധാനം ഉപയോഗിക്കുന്നവരുടെ എണ്ണം പരിമിതപ്പെടുത്തണം
3. സിനിമ തിയറ്ററുകൾ അടഞ്ഞുകിടക്കും.
4. സ്പോർട്സ് സെന്ററുകൾ, ജിംനേഷ്യങ്ങൾ, ഫിറ്റ്നസ് സെന്ററുകൾ, നീന്തൽക്കുളം, വിനോദ കേന്ദ്രങ്ങൾ എന്നിവ അടച്ചിടും
5. റസ്റ്റോറന്റുകൾ, ടൂറിസ്റ്റ് കേന്ദ്രങ്ങൾ, മറ്റു ഭക്ഷണ വിൽപന കേന്ദ്രങ്ങൾ എന്നിവിടങ്ങളിൽ പാർസൽ കൗണ്ടറുകൾ പ്രവർത്തിക്കും.
6. ശീശ കഫേകൾ അടച്ചിടും. ഇവിടങ്ങളിൽ പാർസൽ കൗണ്ടറുകൾ പ്രവർത്തിക്കും.
7. സലൂണുകൾ തുടർന്നും അടഞ്ഞുകിടക്കും
8. സ്വകാര്യ ക്ലിനിക്കുകളിൽ അത്യാവശ്യമല്ലാത്ത മെഡിക്കൽ സേവനങ്ങൾ ഉണ്ടാകില്ല
9. ഗ്രോസറി സ്റ്റോറുകളിൽ ആദ്യ ഒരു മണിക്കൂറിൽ സേവനം പ്രായമായവർക്കും ഗർഭിണികൾക്കും
10. പൊതുസ്ഥലങ്ങളിൽ അഞ്ചുപേരിലധികം ഒത്തുചേരാൻ പാടില്ല. പരമാവധി വീടുകളിൽതന്നെ കഴിയണം. അത്യാവശ്യ കാര്യങ്ങൾക്ക് മാത്രം പുറത്തിറങ്ങുക.
11. പൊതുസ്ഥലങ്ങളിൽ എല്ലാവരും മാസ്ക് ധരിക്കണം.
