മനാമ: ബഹ്റൈനിൽ 656 പേർക്ക് കൂടി പുതുതായി കോവിഡ്-19 സ്ഥിരീകരിച്ചു. ജൂലൈ 1 ന് 24 മണിക്കൂറിനിടെ 10126 പേരിൽ നടത്തിയ പരിശോധനകളിൽ നിന്നാണ് ഇത്രയും പേർക്ക് കൂടി കോവിഡ്-19 സ്ഥിരീകരിച്ചത്. ഇവരിൽ 435 പേർ പ്രവാസി തൊഴിലാളികളാണ്. മറ്റ് 218 പേർക്ക് സമ്പർക്കങ്ങളിലൂടെയും 3 പേർക്ക് വിദേശയാത്രാ സംബന്ധമായുമാണ് രോഗബാധയേറ്റത്.
അതേ സമയം 617 പേർ കൂടി രോഗമുക്തി നേടി ചികിത്സാ കേന്ദ്രങ്ങൾ വിട്ടിട്ടുണ്ട്. ഇതോടെ ആകെ രോഗമുക്തി നേടിയവരുടെ എണ്ണം 21948 ആയി ഉയർന്നു.
നിലവിൽ 5374 പേരാണ് രാജ്യത്ത് കോവിഡ് ബാധിച്ച് ചികിത്സയില് കഴിയുന്നത്. ചികിത്സയിലുള്ളവരിൽ 52 പേരുടെ ആരോഗ്യനില ഗുരുതരമായി തുടരുകയാണ്. ഇന്നലെ മരണപ്പെട്ട നാല് സ്വദേശി പൗരന്മാരും ഒരു വിദേശിയുമടക്കം 92 പേർക്കാണ് രാജ്യത്ത് കോവിഡ് ബാധയേറ്റ് ഇതുവരെ മരണം സംഭവിച്ചിരിക്കുന്നത്. ഇവരിൽ 3 പേർ മലയാളികളാണ്. ഇതുവരെ ആകെ 564365 പേരെ പരിശോധനകൾക്ക് വിധേയമാക്കിയിട്ടുണ്ട്.