മനാമ: പ്രവാസി സഹോദരിമാർക്ക് ജ്ഞാനസമ്പാദനത്തിൻ്റെയും ക്രിയാത്മക ജീവിത പാഠങ്ങളുടെയും പരിശീലനത്തിനായി ഐ സി എഫ് ആരംഭിച്ച ഹാദിയ വിമൻസ് അക്കാദമി സൽമാബാദ് സെൻ്റർ പഠിതാക്കൾ മീലാദ് കാമ്പയിനിൻ്റെ ഭാഗമായി പുറത്തിറക്കിയ ‘ദി ലൈറ്റ് ഓഫ് റബീഅ്’ കയ്യെഴുത്ത് മാസിക പുറത്തിറക്കി. ICF ബഹ്റൈൻ നാഷനൽ അഡ്മിൻ പ്രസിഡണ്ട് അബ്ദുസ്സലാം മുസ്ല്യാർ കലാലയം സാംസ്കാരിക വേദി ബഹ്റൈൻ ദേശീയ സമിതിയംഗം ഫൈസൽ ചെറുവണ്ണൂരിന് കോപ്പി നൽകി പ്രകാശനം കർമ്മം നിർവ്വഹിച്ചു. ഐ.സി.എഫ്. സൽമാബാദ് സെൻട്രൽ ദഅവാ പ്രസിഡണ്ട് വരവൂർ അബ്ദുറഹീം സഖാഫിയുടെ അദ്ധ്യക്ഷതയിൽ നടന്ന ചടങ്ങിൽ ഹംസ ഖാലിദ് സഖാഫി പുകയൂർ , ഉമർ ഹാജി, അബുള്ള രണ്ടത്താണി എന്നിവർ സംബന്ധിച്ചു.
