bahrainvartha-official-logo
Search
Close this search box.

കോവിഡ്-19; ബഹ്റൈനിൽ 211 പേർക്ക് കൂടി രോഗമുക്തി, 168 പുതിയ കേസുകൾ, ആകെ മരണം 350 ആയി

IMG_20201222_014539_212

മനാമ: ബഹ്‌റൈനില്‍ കോവിഡ്-19 ബാധിതരായ 211 പേര്‍ കൂടി രോഗ മുക്തരായി. ഇതോടെ രാജ്യത്ത് ആകെ രോഗമുക്തരായവരുടെ എണ്ണം 88542 ആയി ഉയർന്നു.

ഡിസംബർ 21 ന് 24 മണിക്കൂറിനിടെ 10598 പേരിൽ നടത്തിയ പരിശോധനയിൽ നിന്നാണ് പുതുതായി 168 പേര്‍ക്ക് കൂടി രോഗം സ്ഥിരീകരിച്ചത്. ഇവരില്‍ 69 പേര്‍ പ്രവാസി തൊഴിലാളികളാണ്. മറ്റുള്ളവർക്ക് സമ്പര്‍ക്കത്തിലൂടെയും വിദേശത്ത് നിന്ന് എത്തിയത് വഴിയുമാണ് രോഗം പകര്‍ന്നിരിക്കുന്നത്.

നിലവില്‍ 1558 പേരാണ് രാജ്യത്ത് കോവിഡ്-19 ബാധിതരായി കഴിയുന്നത്. ചികിത്സയിലുള്ളവരിൽ 13 പേരുടെ ആരോഗ്യനില ഗുരുതരമായി തുടരുകയാണ്. ആകെ 350 പേർക്കാണ് ഇതുവരെ ആകെ രാജ്യത്ത് വൈറസ് ബാധയിൽ ജീവൻ നഷ്ടമായത്. ആകെ പരിശോധനകൾക്ക് വിധേയമാക്കിയവരുടെ എണ്ണം 2272640 ആയി. പ്രതിരോധ പ്രവർത്തനങ്ങൾ ശക്തമായി പുരോഗമിക്കുന്നതിനൊപ്പം കൂടുതൽ പേരിലേക്ക് പരിശോധനകൾ വ്യാപിപ്പിക്കുന്നതും തുടരുകയാണ്.

ബഹ്‌റൈനിലേക്ക് വരുന്ന യാത്രക്കാര്‍ക്കുള്ള കോവിഡ് പരിശോധനാ നിരക്ക് ഡിസംബർ 1 മുതൽ 60 ൽ നിന്നും 40 ദിനാറായി കുറച്ചിട്ടുണ്ട്. നാലാഴ്ചകൊണ്ട് കേസുകളുടെ എണ്ണത്തിൽ ഗണ്യമായ കുറവ് രേഖപ്പെടുത്തിയത് ആശ്വാസവാർത്തയാവുന്നുണ്ട്. ഒക്ടോബർ 24 മുതൽ കോവിഡ് മാനദണ്ഡങ്ങൾ പാലിച്ച് റസ്റ്റോറൻ്റുകളുടെ അകത്ത് ഭക്ഷണം നൽകി തുടങ്ങിയിട്ടുണ്ട്. ഒരു സമയം പരമാവധി 30 പേർക്കാണവസരം. ഡിസംബർ 6 മുതൽ പള്ളികളിൽ അസർ നമസ്കാരം നിർവഹിക്കാനും അനുമതിയായിട്ടുണ്ട്. നേരത്തെ സുബ്ഹി, ളുഹ്ർ നമസ്കാരങ്ങൾക്ക് കൂടി അനുമതി നൽകിയിരുന്നു.

ഒപ്പം തന്നെ ബഹ്​റൈനിൽ കോവിഡ്​-19 പ്രതിരോധ വാക്​സിനേഷനായി ഓൺലൈൻ രജിസ്​ട്രേഷൻ ആരംഭിച്ചു. രാജ്യത്തെ സ്വദേശികളും പ്രവാസികളും വെബ്​സൈറ്റിൽ രജിസ്​റ്റർ ​ചെയ്യണമെന്ന്​ ആരോഗ്യ മന്ത്രാലയം അറിയിച്ചു. https://healthalert.gov.bh എന്ന വെബ്​സൈറ്റ്​ വഴിയാണ്​ രജിസ്​റ്റർ ചെയ്യേണ്ടത്.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Search

GCC News

More Posts

error: Content is protected !!