മനാമ: അമേരിക്കയിലെ പ്രശസ്തമായ നാസ്ദാഖ് സ്റ്റോക് എക്സ്ചേഞ്ച് വനിതദിനത്തിൽ ആദരിച്ചവരിൽ ബഹ്റൈൻ സ്റ്റോക് എക്സ്ചേഞ്ച് മാർക്കറ്റിങ് ആൻഡ് ബിസിനസ് ഡെവലപ്മെൻറ് ഡയറക്ടർ മർവ അൽ മസ്കാതിയും. ‘സാങ്കേതികവിദ്യയിൽ സ്ത്രീകൾ’ എന്ന പ്രമേയത്തിലാണ് ഈ രംഗത്തെ ശക്തരായ വനിതകളെ നാസ്ദാഖ് തെരഞ്ഞെടുത്തത്.
ആദരവിനർഹരായ വനിതകളുടെ ചിത്രങ്ങൾ എക്സ്ചേഞ്ചിലെ പ്രധാന സ്ക്രീനിൽ പ്രദർശിപ്പിച്ചു. ബഹ്റൈൻ സ്റ്റോക് എക്സ്ചേഞ്ചിനെ നൂതന സാങ്കേതികവിദ്യകളുടെ സഹായത്തോടെ വളർത്തിയെടുക്കുന്നതിൽ നിർണായക പങ്കുവഹിച്ച വനിതയാണ് അൽ മസ്കാതി.
