ഇന്ത്യയിൽ ഇന്ധന വില വീണ്ടും കുറഞ്ഞു; ഒരാഴ്ചയ്ക്കിടെ വില കുറയുന്നത് മൂന്നാം തവണ

ന്യൂഡൽഹി: ഇന്ധന വില വീണ്ടും കുറഞ്ഞു. ഒരാഴ്ചയ്ക്കിടെ മൂന്നാം തവണയാണ് ഇന്ധനവില കുറയുന്നത്. പെട്രോളിന് 22 പൈസയും ഡീസലിന് 24 പൈസയുമാണ് കുറഞ്ഞത്. മൂന്നു തവണയായി പെട്രോളിന് 61 പൈസയും ഡീസലിന് 63 പൈസയുമാണ് കുറവുണ്ടായിരിക്കുന്നത്. നേരത്തേ പെട്രോൾ, ഡീസൽ വിലയിലെ തുടർച്ചയായ വർധനവ് വ്യാപക വിമർശനത്തിന് ഇടയാക്കിയിരുന്നു. ഇതിന് പിന്നാലെയാണ് ഇന്ധന വിലയിൽ കുറവുണ്ടായിരിക്കുന്നത്. കൊച്ചിയിൽ ഒരു ലിറ്റർ പെട്രോളിന് 90 രൂപ 83 പൈസയും ഡീസലിന് 85 രൂപ 39 പൈസയുമാണ് ഇന്നത്തെ വില.