മനാമ: മലയാളികളുടെ ദേശീയോത്സവമായ ഓണത്തെ വരവേൽക്കാൻ ലുലു ഹൈപ്പർ മാർക്കറ്റ് ഒരുങ്ങി. ഓണച്ചന്ത, ഓണസദ്യ, പായസമേള, ഓണവിഭവങ്ങൾ, ഓണക്കോടി എന്നിവയെല്ലാമായി ഗൃഹാതുര സ്മരണയിൽ ബഹ്റൈനിലെ മലയാളികൾക്ക് ഓണം ആഘോഷിക്കാനുള്ള അവസരമാണ് ലുലു ഒരുക്കുന്നത്. ആഗസ്റ്റ് 16ന് തുടങ്ങിയ ഓണച്ചന്ത 23 വരെ നീണ്ടുനിൽക്കും. ഓണവിഭവങ്ങളൊരുക്കാനുള്ള പച്ചക്കറികളും പലചരക്കുസാധനങ്ങളും വിലക്കുറവിൽ ഇഷ്ടാനുസരണം വാങ്ങാൻ ഉപഭോക്താക്കൾക്ക് മികച്ച അവസരമാണ് അവതരിപ്പിക്കുന്നത്.
നാവിൽ കൊതിയൂറുന്ന വിഭവങ്ങൾ നിറയുന്ന ഓണസദ്യയാണ് ഓണച്ചന്തയിലെ മുഖ്യ ആകർഷണം. 1.990 ദിനാറിന് ലഭിക്കുന്ന ഓണസദ്യക്കുള്ള ബുക്കിങ് ആരംഭിച്ചു. ആഗസ്റ്റ് 20 വരെ ബുക്കിങ് തുടരും. മുൻകൂട്ടി ബുക്ക് ചെയ്തവർക്ക് ആഗസ്റ്റ് 21ന് രാവിലെ 10.30 മുതൽ ഉച്ചക്ക് രണ്ടുവരെ ലുലു ഹൈപ്പർ മാർക്കറ്റുകളിൽനിന്ന് ഓണസദ്യ വാങ്ങാം. പാലക്കാടൻ മട്ട ചോറ്, സാമ്പാർ, രസം, കൂട്ടുകറി, അവിയൽ, കിച്ചടി, പച്ചടി, തോരൻ, കാളൻ, ഓലൻ, പരിപ്പുകറി, ഇഞ്ചി പുളി, അച്ചാർ, പപ്പടം, പാലടപ്പായസം, ഗോതമ്പ് പ്രഥമൻ, നേന്ത്രക്കായ ചിപ്സ് തുടങ്ങി 24 ഇനങ്ങൾ അടങ്ങുന്നതാണ് ഓണസദ്യ. ലുലു കസ്റ്റമർ സർവിസ് വഴിയും ഓൺലൈൻ മുഖേനയും ഓണസദ്യക്ക് മുൻകൂട്ടി ബുക്ക് ചെയ്യാം.
ആഗസ്റ്റ് 19, 20 തീയതികളിൽ നടക്കുന്ന പായസമേള ഓണാഘോഷത്തിൻറെ ആവേശം വാനോളമുയർത്തും. ഇളനീർ പായസം, മാങ്ങ പായസം, പഴം പായസം, ചേന പായസം, അടപ്രഥമൻ, അരിപ്പായസം, പാലട പായസം, ഗോതമ്പ് പായസം, പരിപ്പ് പായസം, അമ്പലപ്പുഴ പാൽപ്പായസം എന്നിവ രുചിമുകുളങ്ങളെ ത്രസിപ്പിക്കും.
ബൈ 2, ഗെറ്റ് 1 ഓഫറില് ഉള്ള സാധനങ്ങള് 23 വരെ വാങ്ങാം. സാരികള്, ചുരിദാര്, ലേഡീസ് കുര്ത്ത, പുരുഷന്മാരുടെയും കുട്ടികളുടെയും കുര്ത്തകള് എന്നിവക്ക് ഹാഫ് വാല്യു ബാക്ക് ഓഫറും പ്രഖ്യാപിച്ചിട്ടുണ്ട്. ഓരോ 10 ദീനാറിന് സാധനങ്ങൾ വാങ്ങുമ്പോഴും ഷോപ്പിങ് വൗച്ചർ ലഭിക്കുന്ന ഈ ഓഫറും 23 വരെയാണ്.