മനാമ: ബഹ്റൈനിൽ 2,752 പേർക്ക് കൂടി പുതുതായി കോവിഡ്-19 സ്ഥിരീകരിച്ചു. മാർച്ച് 1ന് 24 മണിക്കൂറിനിടെ 11,416 പേരിൽ നടത്തിയ പരിശോധനകളിൽ നിന്നാണ് ഇത്രയും പേർക്ക് കൂടി വൈറസ്ബാധ സ്ഥിരീകരിച്ചത്. ഇതോടെ നിലവിലെ രാജ്യത്തെ കോവിഡ് ബാധിതരുടെ എണ്ണം 26,849 ആയി.
അതേസമയം 1,550 പേർ കൂടി രോഗമുക്തി നേടിയതോടെ ആകെ രോഗമുക്തരായവരുടെ എണ്ണം 489,331 ആയി ഉയർന്നു. ഇന്നലെ രേഖപ്പെടുത്തിയ 1 മരണമടക്കം രാജ്യത്തെ ആകെ കോവിഡ് മരണ സംഖ്യ 1,455 ആയി. 9,408,484 പരിശോധനകളാണ് ഇതുവരെ രാജ്യത്ത് നടത്തിയിട്ടുള്ളത്.
പ്രതിരോധ പ്രവർത്തനങ്ങൾ ശക്തമായി പുരോഗമിക്കുന്നതിനൊപ്പം കൂടുതൽ പേരിലേക്ക് പരിശോധനകൾ വ്യാപിപ്പിക്കുന്നതും വാക്സിനേഷനും തുടരുകയാണ്. 1,230,976 പേർ ഇതുവരെ ഓരോ ഡോസും 1,211,679 പേർ രണ്ട് ഡോസും 964,454 പേർ ബൂസ്റ്റർ ഡോസും വാക്സിൻ സ്വീകരിച്ചിട്ടുണ്ട്.