മനാമ: ‘കിങ്ഡം ഓഫ് മാംഗോസ്’ മാമ്പഴമേളയിൽ ഏകദിന ബമ്പർ ഓഫർ ഒരുക്കി ലുലു ഹെെപ്പർമാർക്കറ്റ്. 2.5 Kg യുടെ ഒരു ബോക്സ് അൽഫോൺസ മാമ്പഴം എടുക്കുന്നവർക്ക് 2.5 Kg യുടെ ഒരു ബോക്സ് അൽഫോൺസ മാമ്പഴം ഫ്രീയായി ലഭിക്കും. ഇന്ന് മെയ് 31 ചൊവ്വാഴ്ച മാത്രമാണ് ഈ ഓഫർ ലഭ്യമാവുക.
സാധാരണ നിരക്കായ 6.995 BD ക്ക് ലഭിക്കുന്ന മാമ്പഴം ഇന്ന് 3 ബഹ്റെൻ ദിനാറിന് ലഭിക്കും. ഇതിന് പുറമെയാണ് ഒരു ബോക്സ് കൂടി സൗജന്യമായി ലഭിക്കുക. ബഹ്റൈനിലെ എല്ലാ ലുലു ഹൈപ്പർ മാർക്കറ്റുകളിലും നേരിട്ടെത്തുന്നവർക്കും ഓൺലൈനായി വാങ്ങുന്നവർക്കും ഈ ഓഫർ ലഭ്യമാകും.
വിവിധ രാജ്യങ്ങളിലെ മാമ്പഴങ്ങൾ പരിചയപ്പെടുത്തി ലുലു ഹൈപ്പർമാർക്കറ്റുകളിൽ ആരംഭിച്ച ‘കിങ്ഡം ഓഫ് മാംഗോസ്’ എന്ന പേരിലുള്ള മാമ്പഴ മേള ജൂൺ നാലുവരെ നീണ്ടുനിൽക്കും. മാമ്പഴങ്ങൾക്കൊപ്പം മാങ്ങകൊണ്ടുള്ള ഒട്ടേറെ വിഭവങ്ങളും അണിനിരത്തുന്ന മേള ഭക്ഷണപ്രേമികളെയും ആകർഷിക്കുന്നതാണ്. 18 രാജ്യങ്ങളിൽ നിന്നുള്ള 88 തരം മാങ്ങകൾ കാണാനും രുചിച്ചറിയാനുമുള്ള അവസരമാണ് മേളയിലൂടെ ലുലു ഒരുക്കിയിരിക്കുന്നത്.
