മനാമ: ബഹ്റൈൻ മാർത്തോമ ഇടവകയുടെ 2022-2023 പ്രവർത്തന വർഷത്തെ വിവിധ ചുമതലകൾ നിർവഹിക്കുന്നവരുടെ സംഗമം സംഘടിപ്പിച്ചു. കൈസ്ഥാന സമിതി അംഗങ്ങൾ, പോഷക സംഘടന ഭാരവാഹികൾ, പ്രാർഥനാക്കൂട്ട അത്മായ ഉപാധ്യക്ഷർ, സെക്രട്ടറിമാർ, ഇടവക ഓഡിറ്റർമാർ, മീഡിയ ടീം അംഗങ്ങൾ എന്നിവർ പങ്കെടുത്തു.
മാർത്തോമ കോംപ്ലക്സിൽ നടന്ന പരിപാടിയിൽ ഇടവക വികാരി ഫാ. ഡേവിഡ് വി. ടൈറ്റസ് അധ്യക്ഷത വഹിച്ചു. ഫാ. ബിബിൻസ് മാത്യൂസ് ഓമനാലി പ്രാരംഭപ്രാർഥനക്ക് നേതൃത്വം നൽകി. സീനിയർ സിറ്റിസൺസ് ഫെലോഷിപ് സെക്രട്ടറി ഐപ്പ് ജോൺ പാഠഭാഗം വായിച്ചു.
പ്രശസ്ത കൗൺസിലർ ഡോ. ജോൺ പനയ്ക്കൽ ‘ക്രിസ്തീയ ഉത്തരവാദിത്തവും ഇടവക നേതൃത്വവും’ വിഷയത്തെ ആസ്പദമാക്കി ക്ലാസുകൾക്ക് നേതൃത്വം നൽകി. ഇടവക അത്മായ വൈസ് പ്രസിഡന്റ് മാത്യൂസ് ഫിലിപ്പ് പരിപാടിക്ക് നേതൃത്വം നൽകി. ഇടവക സെക്രട്ടറി ജേക്കബ് ജോർജ് സ്വാഗതം പറഞ്ഞു.