മനാമ: ഹാർട്ട് ബഹ്റൈൻ കൂട്ടായ്മ ‘ഹാർട്ട് പൊന്നോണം 22’ എന്ന പേരിൽ ഓണാഘോഷം സംഘടിപ്പിച്ചു. പ്രൗഡ ഗംഭീരമായ മാവേലി വരവേൽപ്പും, ഓണപ്പാട്ടുകളും, തിരുവാതിരകളിയും, കുട്ടികളുടെയും മുതിർന്നവരുടെയും വിവിധ മത്സരങ്ങളും, വിഭവസമൃദ്ധമായ ഓണസദ്യയും ഒക്കെ ചേർന്നപ്പോൾ ഹാർട്ട് ഗ്രൂപ്പ് ഓണാഘോഷം വ്യത്യസ്താനുഭവമായി.
സൽമാനിയ അവാൽ റെസിഡൻസി ഹോട്ടലിൽ നടന്ന പരിപാടിയിൽ നിരവധി അംഗങ്ങൾ പങ്കുചേർന്നു. ഡിസംബറിൽ വിപുലമായ രീതിയിൽ അഞ്ചാം വാർഷികാഘോഷം നടത്തുമെന്ന് ഭാരവാഹികൾ അറിയിച്ചു.