മനാമ: കായംകുളം പ്രവാസി കൂട്ടായ്മ ജീവകാരുണ്യ പ്രവർത്തനങ്ങളുടെ ഭാഗമായി നടത്തിയ മെഡിക്കൽ ക്യാമ്പ് ശ്രദ്ധേയമായി. അദ്ലിയ അൽ ഹിലാൽ ഹോസ്പിറ്റലുമായി സഹകരിച്ച് നടത്തിയ സൗജന്യ മെഡിക്കൽ ക്യാമ്പിൽ 500ഓളം പേർ പങ്കെടുത്തു.കായംകുളം പ്രവാസി കൂട്ടായ്മ പ്രസിഡന്റ് അനിൽ ഐസക്കിന്റെ അധ്യക്ഷതയിൽ നടന്ന പരിപാടി ഇന്ത്യൻ ക്ലബ് പ്രസിഡന്റ് കെ.എം. ചെറിയാൻ ഉദ്ഘാടനം ചെയ്തു.
ബഹ്റൈനിലെ ബിസിനസ് പ്രമുഖൻ ഫൈസൽ അൽ ഷുറൂക്കി, ഇന്ത്യൻ സ്കൂൾ മുൻ ചെയർമാൻ എബ്രഹാം ജോൺ, ബിയോൺ മണി പ്രതിനിധി ടോബി മാത്യു, സാമൂഹിക പ്രവർത്തകരായ കെ.ടി. സലിം, മണിക്കുട്ടൻ, ബിജു ജോർജ്, സെയ്ദ് ഹനീഫ്, ബി.ഡി.കെ പ്രസിഡൻറ് ഗംഗൻ തൃക്കരിപ്പൂർ, കോഴിക്കോട് ജില്ല പ്രവാസി അസോസിയേഷൻ സെക്രട്ടറി ജ്യോതിഷ് പണിക്കർ, ഹിലാൽ പ്രതിനിധി നിയാസ് അഷ്റഫ്, മെഡിക്കൽ ക്യാമ്പ് കൺവീനർമാരായ അനസ് റഹിം, അരുൺ ആർ. പിള്ള എന്നിവർ സംസാരിച്ചു.ഗണേഷ് നമ്പൂതിരി അവതാരകനായ പരിപാടിയിൽ ആക്ടിങ് ജനറൽ സെക്രട്ടറി ജയേഷ് താന്നിക്കൽ സ്വാഗതവും ട്രഷറർ തോമസ് ഫിലിപ്പ് നന്ദിയും പറഞ്ഞു.
അൽഹിലാൽ ഹോസ്പിറ്റലിനുവേണ്ടി എക്സിക്യൂട്ടിവ് കമ്മിറ്റിയുടെ മെമന്റോ ഡോ. മുഹമ്മദ് അഹ്സാൻ ഏറ്റുവാങ്ങി. വിനേഷ് വി. പ്രഭു, ശ്യാം കൃഷ്ണൻ, മനോജ് ചെട്ടികുളങ്ങര, വിനീത് കുമാർ ശിവരാമൻ, ഗിരീഷ് കുന്നത്താലുമ്മൂട്, ദീപക് തണൽ, അനൂപ് ശ്രീരാഗ്, ആദർശ് സായി, ശംഭു സദാനന്ദൻ, എബിൻ സുധാകരൻ, രാജേഷ് കുമാർ, ഷൈജുമോൻ രാജൻ, അജിത് കുമാർ എന്നിവർ ക്യാമ്പിന് നേതൃത്വം നൽകി.