മനാമ: കേരള കാത്തലിക് അസോസിയേഷന്റെ (കെ.സി.എ) 53ാമത് ഈസ്റ്റർ ആഘോഷവും ആറുമാസം നീളുന്ന സർഗോത്സവം പരിപാടിയുടെ ഉദ്ഘാടനവും 27ന് കെ.സി.എ, വി.കെ.എൽ ഓഡിറ്റോറിയത്തിൽ നടക്കും.
മുന്നൂറോളം അംഗങ്ങൾ പങ്കെടുക്കുന്ന ആഘോഷ കലാപരിപാടികളിൽ കെ.സി.എ അംഗങ്ങളും കുടുംബങ്ങളും പങ്കെടുക്കും. ഈസ്റ്റർ ആഘോഷ പരിപാടികളുടെ ഭാഗമായി തോമസ് ജോൺ സംവിധാനം ചെയ്ത് അംഗങ്ങൾ അഭിനയിക്കുന്ന ബൈബിൾ അധിഷ്ഠിത നാടകം ‘ഇരുളും വെളിച്ചവും’ അരങ്ങേറുമെന്നും ഭാരവാഹികൾ വാർത്തസമ്മേളനത്തിൽ അറിയിച്ചു.
കെ.സി.എ അംഗങ്ങൾക്കും അസോസിയേറ്റ് അംഗങ്ങൾക്കുമായി മാത്രമുള്ള സർഗോത്സവ് മത്സരങ്ങൾ ഏപ്രിലിൽ ആരംഭിക്കുകയും ആറു മാസത്തോളം നീളുകയും ചെയ്യും. സർഗോത്സവ് സംഘാടക സമിതി ചെയർമാൻ ലിയോ ജോസഫ്, വൈസ് ചെയർമാൻ റോയ് സി. ആന്റണി, കോഓഡിനേറ്റർമാരായ മാഗി വർഗീസ്, സിമി ലിയോ എന്നിവരുടെ നേതൃത്വത്തിലുള്ള കോഓഡിനേറ്റിങ് കമ്മിറ്റി മത്സരങ്ങൾ നിയന്ത്രിക്കും. വിവരങ്ങൾക്ക് ലിയോ ജോസഫ് (39207951) / റോയ് സി. ആന്റണി (39681102) എന്നിവരെ ബന്ധപ്പെടണം.
