മനാമ: കടുത്ത വേനലിൽ ജോലി ചെയ്യുന്ന തൊഴിലാളികൾക്ക് പാനീയങ്ങളും പഴവർഗങ്ങളും എത്തിച്ചുനൽകുന്ന കർമ്മ പദ്ധതിയായ ‘ഹെല്പ് ആൻഡ് ഡ്രിങ്ക്’ ൻറെ ഈ വർഷത്തെ പ്രവർത്തനങ്ങൾക്ക് ജൂലൈ 14 വെള്ളിയാഴ്ച തുടക്കമാകുമെന്നു ബഹ്റൈൻ മലയാളി ബിസിനസ് ഫോറം (ബി.എം.ബി.എഫ്) അറിയിച്ചു.
2015ൽ തുടക്കംകുറിച്ച ബി.എം.ബി.എഫ് ഹെൽപ് ആൻഡ് ഡ്രിങ്ക് പരിപാടി വിവിധ മന്ത്രാലയങ്ങളുടെയും സ്വദേശി വിദേശി വ്യത്യാസമില്ലാത്ത എല്ലാവരുടെയും പ്രശംസ പിടിച്ചുപറ്റിയിരുന്നു. വെള്ളിയാഴ്ച പുലർച്ചെ ബി.കെ.എസ്.എഫിന്റെ പിന്തുണയോടെയാണ് പരിപാടിക്ക് തുടക്കം കുറിക്കുക.
