മനാമ: വോയ്സ് ഓഫ് ആലപ്പി ഓണാഘോഷം ‘പൂവേപൊലി 2023’ എന്ന പേരിൽ അതി വിപുലമായി ആഘോഷിക്കാൻ തീരുമാനിച്ചു. ഇന്ത്യൻ ക്ലബ് ഓഡിറ്റോറിയത്തിൽ ഒക്ടോബർ 13ന് വിവിധ പരിപാടികളോടെ ഓണം ആഘോഷിക്കുന്നു. ഇന്ത്യൻ ഡിലൈറ്റിസിൽ നടന്ന ചടങ്ങിൽ വോയ്സ് ഓഫ് ആലപ്പി രക്ഷാധികാരികൾ ആയ Dr. പിവി ചെറിയാനും, കെ ആർ നായരും ചേർന്ന് പോസ്റ്റർ പ്രകാശനം നിർവഹിച്ചു.
ചടങ്ങിൽ വോയ്സ് ഓഫ് ആലപ്പി പ്രസിഡന്റ് സിബിൻ സലിം അധ്യക്ഷനായിരുന്നു, ജനറൽ സെക്രട്ടറി ധനേഷ് മുരളി അംഗങ്ങളെ സ്വാഗതം ചെയ്ത് ഓണാഘോഷ പ്രോഗ്രാമുകളെ പറ്റി വിശദമായി സംസാരിച്ചു, ഇന്ത്യൻ ക്ലബ്ബിൽ വെച്ച് നടക്കുന്ന ഓണ സദ്യയോടൊപ്പം അംഗങ്ങൾ അവതരിപ്പിക്കുന്ന തിരുവാതിര, വള്ളപ്പാട്ട് , നൃത്തനൃത്യങ്ങൾ, കരോക്കേ ഗാനമേള, നാടൻ പാട്ട് തുടങ്ങി വിവിധ പരിപാടികളും ഉണ്ടായിരിക്കുന്നതാണ്. ചടങ്ങിൽ രക്ഷാധികാരിയായി സെയ്ദ് റമ്ദാൻ നദ്വി,എക്സികുട്ടീവ് അംഗങ്ങൾ വനിതാ വിഭാഗം അംഗങ്ങൾ തുടങ്ങിയവർ പങ്കെടുത്തു.
ബഹ്റൈനിലെ ഇതര സംഘടനകളിൽ നടക്കുന്ന പ്രോഗ്രാമുകളിലും മത്സരങ്ങളിലും വോയ്സ് ഓഫ് ആലപ്പി പങ്കെടുക്കും എന്ന് പൂവേപൊലി 2023 കോർഡിനേറ്റർ മാരായ ആയ ജേക്കബ് മാത്യു, അനൂപ് ശശികുമാർ അറിയിച്ചു. തുടർന്ന് വോയ്സ് ഓഫ് ആലപ്പി ട്രഷറർ ഗിരീഷ് കുമാർ നന്ദി രേഖപ്പെടുത്തി.