മനാമ: കെഎംസിസി ബഹ്റൈൻ കോഴിക്കോട് ജില്ലാ കമ്മിറ്റിയുടെ പ്രവർത്തനം സജീവമാകുന്നതിന്റെ ഭാഗമായി സംഘടിപ്പിക്കുന്ന ലീഡേഴ്‌സ് സമ്മിറ്റ് (2024 മെയ്‌ 26 ഞായർ ) ഇന്ന് രാത്രി 8 മണിക്ക് മനാമ കെഎംസിസി ഹാളിൽ വെച്ച് നടക്കും. പരിപാടിയിൽ ജില്ലാ പ്രവർത്തക സമിതി അംഗങ്ങൾ, മണ്ഡലം, പഞ്ചായത്ത്, വിവിധ സബ്കമ്മിറ്റി ഭാരവാഹികൾ, പ്രധാന പ്രവർത്തകർ എന്നിവരാണ് പങ്കെടുക്കേണ്ടത്. കൃത്യസമയത്ത് തന്നെ ആരംഭിക്കുന്ന പരിപാടിയിൽ പങ്കെടുക്കുന്നവർ 8 മണിക്ക് മുമ്പായി കെഎംസിസി ഹാളിൽ എത്തിച്ചേരണമെന്ന് സംഘാടകർ അറിയിച്ചു.
കെഎംസിസി സംസ്ഥാന ജനറൽ സെക്രെട്ടറി അസൈനാർ കളത്തിങ്ങൽ ഉദ്ഘാടനം ചെയ്യുന്ന പരിപാടിയിൽ മുസ്ലിം യൂത്ത് ലീഗ് കോഴിക്കോട് ജില്ലാ ജനറൽ സെക്രട്ടറി ടി മൊയ്‌തീൻ കോയ, കോഴിക്കോട് ജില്ലാ പഞ്ചായത്ത് അംഗം റംസീന നരിക്കുനി എന്നിവർ സംബന്ധിക്കും. പരിപാടി വിജയിപ്പിക്കണമെന്ന് ജില്ലാ പ്രസിഡന്റ് ഷാജഹാൻ പരപ്പൻപൊയിൽ ജനറൽ സെക്രട്ടറി പി കെ ഇസ്ഹാഖ് എന്നിവർ അഭ്യർത്ഥിച്ചു.
