മനാമ: എസ്.കെ.എസ്.എസ് എഫ് ബഹ്റൈൻ എല്ലാ വർഷവും നടത്തി വരാറുള്ള പ്രവാചകർ മുഹമ്മദ് നബി(സ)യുടെ പ്രകീർത്തന, പ്രഭാഷണ വേദിയായ മദീനാ പാഷൻ എന്ന പ്രത്യേക പരിപാടിയുടെ പോസ്റ്റർ പ്രകാശനം സമസ്ത ബഹ്റൈൻ പ്രസിഡൻ്റ് സയ്യിദ് ഫഖ്റുദ്ദീൻ തങ്ങൾ ബഹ്റൈൻ ജംഇയ്യത്തുൽ മുഅല്ലിമീൻ സംഘടിപ്പിച്ച ദിക്റുസ്വാലിഹീൻ എന്ന പ്രൗഡമായ വേദിയിൽ സമസ്ത ബഹ്റൈൻ നേതാക്കൾ ജംഇയ്യത്തുൽ മുഅല്ലിമീൻ നേതാക്കളുടേയും, ഭാരവാഹികളുടേയും, എസ്കെഎസ്എസ്എഫ് നേതാക്കളുടെ സാന്നിധ്യത്തിൽ നിർവ്വഹിച്ചു.
നവമ്പർ 22 വെള്ളിയാഴ്ച മനാമ സമസ്ത ഓസിറ്റോറിയ്യത്തിൽ വെച്ച് നടത്തപ്പെടുന്ന പരിപാടിയിൽ യുവ പണ്ഡിതനും, എസ്.കെ.എസ്.എസ്.എഫ് ഇസ്തിഖാമ സ്‌റ്റേറ്റ് കൺവീനറുമായ മുജ്തബ ഫൈസി ആനക്കര മുഖ്യാതിഥിയായി സംബന്ധിക്കും. വൈകിട്ട് നാല് മണിക്ക് പ്രാർത്ഥനയോടെ ആരംഭിക്കുന്ന പരിപാടിയിൽ,ബുർദ മജ്‌ലിസ് മദ്ഹ് ഗാനങ്ങൾ കവാലി എന്നിവയും ഇതിനോടൊപ്പം അരങ്ങേറും.
സമസ്ത കേന്ദ്ര ഏരിയ നേതാക്കൾ റെയിഞ്ച് ജംഇയ്യത്തുൽ മുഅല്ലിമീൻ ഉസ്താദുമാർ എസ്കെഎസ്എസ്എഫ് നേതാക്കൾ കൺവീനർമാർ വിഖായയുടെ പ്രവർത്തകരും കൂടാതെ പ്രവാചക സ്നേഹികളും പങ്കെടുക്കുമെന്നും ഭാരവാഹികൾ അറിയിച്ചു.
