വോയ്‌സ് ഓഫ് ആലപ്പി ഹമദ് ടൗൺ ഏരിയ കമ്മറ്റിയുടെ നേതൃത്വത്തിൽ സൗജന്യ ഡെന്റൽ ക്യാമ്പ് സംഘടിപ്പിച്ചു. ബുദൈയയിലെ കിങ്‌സ് ഡെന്റൽ സെന്ററുമായി സഹകരിച്ച് സംഘടിപ്പിച്ച ക്യാമ്പിൽ കുട്ടികളും മുതിർന്നവരും ഉൾപ്പടെ നിരവധിപേർ പങ്കെടുത്തു. സൗജന്യ പരിശോധനകൾ കൂടാതെ ദന്ത പരിപാലനത്തെക്കുറിച്ച് ഡോക്ടർസ് നയിച്ച ബോധവൽകരണ ക്ലാസ്സുകളും ശ്രദ്ധേയമായി. വോയ്‌സ് ഓഫ് ആലപ്പി പ്രസിഡൻറ് സിബിൻ സലിം ക്യാമ്പ് ഉൽഘാടനം ചെയ്തു. ഹമദ് ടൗൺ ഏരിയ പ്രെസിഡന്റ് അനൂപ് ശശികുമാർ അധ്യക്ഷനായ യോഗത്തിന് ഏരിയ സെക്രട്ടറി ഷഫീക്ക് സെയ്ദ് കുഞ്ഞ് സ്വാഗതം ആശംസിച്ചു. വൈസ് പ്രെസിഡന്റ് അനസ് റഹിം, ട്രെഷറർ ഗിരീഷ് കുമാർ, ജോയിന്റ് സെക്രട്ടറി ജോഷി നെടുവേലിൽ, ലേഡീസ് വിങ് ചീഫ് കോർഡിനേറ്റർ രശ്മി അനൂപ്, ഡോ: സച്ചിൻ ഷാ ഷാഹുൽ ഹമീദ്, ഡോ: മുഹമ്മദ് ജിയാദ് എന്നിവർ ആശംസകൾ അർപ്പിച്ചു സംസാരിച്ചു. വോയ്‌സ് ഓഫ് ആലപ്പിയുടെ ഉപഹാരം കിങ്‌സ് ഡെന്റൽ സെന്ററിനുവേണ്ടി ഡോ: അഗ്‌ന ഇസ്മായിൽ ഏറ്റുവാങ്ങി. ഏരിയ കോർഡിനേറ്ററും എക്സിക്യൂട്ടീവ് അംഗവുമായ സന്തോഷ് ബാബു എല്ലാവർക്കും നന്ദി അറിയിച്ചു. വോയ്‌സ് ഓഫ് ആലപ്പി ഭാരവാഹികളായ ദീപക് തണൽ, സനിൽ വള്ളികുന്നം, ലിബിൻ സാമുവൽ, അജിത് കുമാർ, ലേഡീസ് വിങ് കോർഡിനേറ്റർ ആശ സെഹ്റ, സിസിലി വിനോദ്, വിവിധ ഏരിയ ഭാരവാഹികളായ ശ്രീരാജ് രാജു, വിനേഷ് കുമാർ, ഗോകുൽ കൃഷ്‌ണൻ എന്നിവർ സംബന്ധിച്ചു. ഹമദ് ടൗൺ ഏരിയ ഭാരവാഹികളായ കുഞ്ഞച്ചൻ ഹരിദാസ്, മുബാഷ് അബ്ദുൾ റാഷിദ്, സാരംഗ് രമേശ്, റയ്സൺ സുരേന്ദ്രൻ എന്നിവർ നേതൃത്വം നൽകി.
