മനാമ: എസ് കെ എസ് എസ് എഫ് ബഹ്റൈൻ സംഘടിപ്പിക്കുന്ന നാലാമത് മദീന പാഷൻ മനാമ സമസ്ത ഓഡിറ്റോറിയത്തിൽ വെച്ച് നടക്കും. വൈകിട്ട് 4 മണിക്ക് രജിസ്റ്റർ ചെയ്തവർക്കായുള്ള ആത്മീയ മജ്ലിസോടെ ആരംഭിക്കുന്ന പരിപാടിയിൽ പ്രവാചക പ്രകീർത്തന മദ്ഹ് ഗാനങ്ങൾ, ബുർദ്ദ, ഖവാലി തുടങ്ങിയ വിവിധ പരിപാടികൾ അരങ്ങേറും.
തുടർന്ന് രാത്രി 8:30 മുതൽ 11 മണി വരെ മദീനാ പാഷൻ സമാപന പൊതുസമ്മേളനം സമസ്ത ബഹ്റൈൻ പ്രസിഡൻ് ഫക്റുദ്ധീൻ സയ്യിദ് പുക്കോയ തങ്ങൾ ഉദ്ഘാടന ചെയ്യും. യുവ പണ്ഡിതനും വാഗ്മിയുമായ
മുജ്തബ ഫൈസി ആനക്കര മദ്ഹ് പ്രഭാഷണം നടത്തും.
സമസ്ത ബഹ്റൈൻ കേന്ദ്ര ഏരിയ നേതാക്കൾ, റൈഞ്ച് ജംഇയ്യത്തുൽ മുഅല്ലിമീൻ നേതാക്കൾ, മറ്റ് ഉസ്താദുമാർ, എസ് കെ എസ് എസ് എഫ് ഏരിയ കൺവീനർമാർ, വിഖായ അംഗങ്ങൾ, മറ്റു പ്രസ്ഥാന ബന്ധുക്കൾ തുടങ്ങിയവർ പങ്കെടുക്കുമെന്ന് ഭാരവാഹികൾ അറിയിച്ചു.
