മനാമ: അവാലിയിലെ മുഹമ്മദ് ബിന്‍ ഖലീഫ ബിന്‍ സല്‍മാന്‍ അല്‍ ഖലീഫ സ്‌പെഷ്യലിസ്റ്റ് കാര്‍ഡിയാക് സെന്ററില്‍ അത്യാവശ്യമായി രക്തം ആവശ്യമുള്ളതിനാല്‍ കൊയിലാണ്ടിക്കൂട്ടം ബഹ്റൈന് ചാപ്റ്റര്‍ ഏപ്രില്‍ 11ന് രാവിലെ രക്തദാന ക്യാമ്പ് സംഘടിപ്പിക്കുന്നു. കുട്ടികളുടെ ഹൃദയ ശാസ്ത്രക്രിയക്കായാണ് രക്തം ആവശ്യമുള്ളത്.
രക്തം നല്‍കാന്‍ സന്നദ്ധരായവര്‍ ഏപ്രില്‍ 11ന് രാവിലെ 7.30നും 11.30നും ഇടയില്‍ അവാലി ബ്ലഡ് ബാങ്കില്‍ എത്തിച്ചേരണമെന്ന് ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക് കൊയിലാണ്ടിക്കൂട്ടം ബഹ്റൈന് ചാപ്റ്റര്‍ മെമ്പര്‍ഷിപ്പ് സെക്രട്ടറി ഹരീഷ് പി.കെയെ 39725510 എന്ന നമ്പറില്‍ ബന്ധപ്പെടാം.
