മനാമ: കിംഗ് ഫഹദ് കോസ് വേയില്‍ കുടുതല്‍ ഇളവുകള്‍ പ്രഖ്യാപിച്ചു. കോസ് വേയിലുടെ ബഹ്റൈനി ട്രാന്‍സിറ്റ് ട്രക്കുകള്‍ക്ക് കടന്നു പോകാനുള്ള അനുമതി ലഭിച്ചു. കോവിഡ്-19 വ്യാപനത്തിന്റെ തോത് കുറഞ്ഞതോടെയാണ് നടപടിയെന്നാണ് സൂചന. ഇന്നലെയോടെ ട്രക്കുകള്‍ക്ക് കോസ് വേയിലൂടെ യാത്രകള്‍ ആരംഭിച്ചിട്ടുണ്ട്.
സൗദി അറേബ്യ വഴി മറ്റു രാജ്യങ്ങളിലേക്ക് പോകുന്ന ട്രക്കുകള്‍ക്കാണ് നിലവില്‍ അനുമതി ലഭിച്ചിട്ടുള്ളത്. കസ്റ്റംസ് അഫയേഴ്സിലെ ലാന്‍ഡ് പോര്‍ട്സ് ഡയറക്ടര്‍ മുഹമ്മദ് ഹസന്‍ അല്‍ ഇസയാണ് ഈ വിവരം മാധ്യമങ്ങളെ അറിയിച്ചത്. കിംഗ് ഫഹദ് കോസ് വേ ബന്ധപ്പെട്ട തീരുമാനങ്ങള്‍ സൗദി ജനറല്‍ കസ്റ്റംസ് അതോറിറ്റിയുമായി സഹകരിച്ചാണ് എടുക്കുന്നത്. കൊവിഡ് വ്യാപനത്തെ തുടര്‍ന്ന് കോസ് വേയിലൂടെയുള്ള യാത്രാനുമതി നിര്‍ത്തി വെച്ചിരിക്കുകയായിരുന്നു.
