രാജ്യത്തെ കോവിഡ് ചികിത്സാകേന്ദ്രങ്ങളും വാക്സിനേഷൻ സെന്ററുകളും സന്ദർശിച്ച് ലോകാരോഗ്യ സംഘടന ഡയറക്ടർ ജനറൽ

മനാമ: ര​ണ്ട്​ ദി​വ​സ​ത്തെ ബ​ഹ്​​റൈ​ൻ പ​ര്യ​ട​ന​ത്തി​നെ​ത്തി​യ ലോ​കാ​രോ​ഗ്യ സം​ഘ​ട​ന ഡ​യ​റ​ക്​​ട​ർ ജ​ന​റ​ൽ ഡോ. ​ടെ​ഡ്രോ​സ് അ​ദാ​നോം ഗെ​ബ്രി​യേ​സ​സ് രാ​ജ്യ​ത്തെ വി​വി​ധ കോ​വി​ഡ്​ ചി​കി​ത്സ, വാ​ക്​​സി​നേ​ഷ​ൻ കേ​ന്ദ്ര​ങ്ങ​ൾ സ​ന്ദ​ർ​ശി​ച്ചു. ആ​രോ​ഗ്യ​മ​ന്ത്രാ​ല​യ​ത്തി​ലെ അ​ണ്ട​ർ​സെ​ക്ര​ട്ട​റി ഡോ. ​വാ​ലി​ദ് അ​ൽ മാ​നി​യയും മു​തി​ർ​ന്ന ഉ​ദ്യോ​ഗ​സ്ഥ​രും അദ്ദേഹത്തിനൊപ്പം ഉണ്ടായിരുന്നു.

ബ​ഹ്‌​റൈ​ൻ ഇ​ൻ​റ​ർ​നാ​ഷ​ന​ൽ എ​ക്‌​സി​ബി​ഷ​ൻ ആ​ൻ​ഡ്​​ ക​ൺ​വെ​ൻ​ഷ​ൻ സെൻറ​ർ, കി​ങ്​ ഹ​മ​ദ് യൂ​നി​വേ​ഴ്‌​സി​റ്റി ഹോ​സ്​​പി​റ്റ​ൽ, ഷാ​മി​ൽ ഫീ​ൽ​ഡ് സെൻറ​ർ, സി​ത്ര മാ​ളി​ലെ വാ​ക്​​സി​നേ​ഷ​ൻ സെൻറ​ർ, മു​ഹ​റ​ഖ്​ ഗ​വ​ർ​ണ​റേ​റ്റി​ലെ വെ​ഹി​ക്കി​ൾ ടെ​സ്​​റ്റി​ങ്​ സെൻറ​ർ എ​ന്നി​വി​ട​ങ്ങ​ളി​ൽ സ​ന്ദ​ർ​ശി​ച്ച അ​ദ്ദേ​ഹം രാജ്യത്തെ പ്ര​വ​ർ​ത്ത​ന​ങ്ങ​ൾ വി​ല​യി​രു​​ത്തി. കോ​വി​ഡ്​ പ്ര​തി​രോ​ധ​ത്തി​ന്​ ബ​ഹ്‌​റൈ​ൻ സ്വീ​ക​രി​ക്കു​ന്ന മു​ൻ​ക​രു​ത​ൽ ന​ട​പ​ടി​ക​ൾ ഡോ. ​വാ​ലി​ദ് അ​ൽ മാ​നി​യ ​വി​ശ​ദീ​ക​രി​ച്ചു. രാ​ജ്യ​ത്തെ മി​ക​ച്ച ആരോ​ഗ്യ​ സം​വി​ധാ​ന​ത്തെ​ക്കു​റി​ച്ചും അ​ദ്ദേ​ഹം സൂ​ചി​പ്പി​ച്ചു.

കോ​വി​ഡ്​ മ​ഹാ​മാ​രിയെ നേ​രി​ടു​ന്നതിനുള്ള ആ​ഗോ​ള പോ​രാ​ട്ട​ത്തി​ലെ മു​ൻ‌​നി​ര രാ​ജ്യ​ങ്ങ​ളി​ലൊ​ന്നാ​ണ് ബ​ഹ്‌​റൈ​ൻ എ​ന്ന്​ ഡോ. ​ടെ​ഡ്രോ​സ് അ​ദാ​നോം ഗെ​ബ്രി​യേ​സ​സ് പ​റ​ഞ്ഞു. കോ​വി​ഡ്​ വ്യാ​പ​നം ത​ട​യാ​ൻ നി​ര​വ​ധി മു​ൻ​ക​രു​ത​ൽ ന​ട​പ​ടി​ക​ൾ രാ​ജ്യം ന​ട​പ്പാ​ക്കി​യി​ട്ടു​ണ്ട്. ബ​ഹ്‌​റൈ​നി​ൽ ആ​ദ്യ കോ​വി​ഡ്​ കേ​സ് ക​ണ്ടെ​ത്തും​ മു​മ്പ്​ ലോ​കാ​രോ​ഗ്യ സം​ഘ​ട​ന​യു​ടെ നിർദേശങ്ങൾക്കനുസരിച്ച് രാജ്യം മു​ൻ​ക​രു​ത​ൽ നടപടികൾ സ്വീ​ക​രി​ച്ചി​രു​ന്നു. സൗ​ജ​ന്യ പ​രി​ശോ​ധ​ന, ക്വാ​റൻ്റൈൻ, ചി​കി​ത്സ, പ്ര​തി​രോ​ധ കു​ത്തി​വെ​പ്പ്​ എ​ന്നീ കാ​ര്യ​ങ്ങ​ളി​ൽ ബ​ഹ്​​റൈ​ൻ സ്വീ​ക​രി​ച്ച ന​ട​പ​ടി​ക​ൾ പ്ര​ശം​സ​നീ​യ​മാ​ണെന്നും അദ്ദേഹം പറഞ്ഞു. മൊ​ത്തം ജ​ന​സം​ഖ്യ​യു​ടെ 70 ശ​ത​മാ​ന​ത്തി​നും വാ​ക്​​സി​ൻ ന​ൽ​കാ​ൻ സാ​ധി​ച്ച​തും നേ​ട്ട​മാ​ണെ​ന്ന്​ അ​ദ്ദേ​ഹം പ​റ​ഞ്ഞു.